Azərbaycan Respublikasının Prezidenti zati-aliləri cənab İlham Əliyevə

Hörmətli cənab Prezident!

İcazə verin, Sizə doğum gününüz münasibətilə Serbiya-Azərbaycan Ticarət Palatası adından ən səmimi və xoş arzularımızı çatdıraq.

Əminik ki, xalqlarımızın və ölkələrimizin rifahı naminə qarşılıqlı səylər nəticəsində Azərbaycan Respublikası ilə Serbiya Respublikası arasında əməkdaşlıq əlaqələri, o cümlədən siyasi, iqtisadi və mədəni münasibətlər daha da güclənəcəkdir.

Bu xoş fürsətdən istifadə edərək Sizə və ailənizə möhkəm cansağlığı, xoşbəxtlik və müvəffəqiyyətlər, dost Azərbaycan xalqına isə sülh və rifah diləyirik.

Zati-aliləri, xahiş edirik ən dərin ehtiramımızı qəbul edin.

Hörmətlə,

Miroslav TSRNOQORATS,

Serbiya-Azərbaycan Ticarət-İqtisadi Palatasının sədri

Natalia POPESKU,

Palatanın icraçı direktoru

Azərbaycan.-2013.- 26 dekabr.- S.2.