2013-cü il noyabrın 18-də Kiyev şəhərində imzalanmış «Azərbaycan Respublikasının Xarici İşlər Nazirliyi və Ukrayna Xarici İşlər Nazirliyi arasında ikitərəfli və çoxtərəfli əməkdaşlığın aktual məsələləri üzrə 2014-2015-ci illər üçün məsləhətləşmələr Planı» haqqında

Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. 2013-cü il noyabrın 18-də Kiyev şəhərində imzalanmış "Azərbaycan Respublikasının Xarici İşlər Nazirliyi və Ukrayna Xarici İşlər Nazirliyi arasında ikitərəfli və çoxtərəfli əməkdaşlığın aktual məsələləri üzrə 2014-2015-ci illər üçün məsləhətləşmələr Planı" nəzərə alınsın.

2. Azərbaycan Respublikasının Xarici İşlər Nazirliyi bu sərəncamın 1-ci hissəsində göstərilən planın müddəalarının həyata keçirilməsini təmin etsin.

İlham ƏLİYEV,

Azərbaycan Respublikasının Prezidenti

Bakı şəhəri, 27 dekabr 2013-cü il

Azərbaycan.-2013.- 29 dekabr.- S.4.