Azərbaycan Respublikasının Prezidenti zati-aliləri cənab İlham
Əliyevə
Hörmətli cənab Prezident!
Doğum gününüz münasibətilə Sizə ən səmimi təbriklərimi və ən xoş arzularımı çatdırıram. Sizin Amerika Birləşmiş Ştatları ilə Azərbaycan Respublikası arasında strateji tərəfdaşlığın möhkəmlənməsinə göstərdiyiniz şəxsi diqqəti və verdiyiniz töhfələri olduqca yüksək qiymətləndiririk. Azərbaycan ilə Texas ştatı arasında yaranmış dostluq əlaqələri bizi çox sevindirir. Biz Sizi və xanımınızı ştatımızda salamlamaqdan böyük məmnunluq duyardıq. Ölkələrimiz arasında güclü tərəfdaşlıq əlaqələri mövcuddur və dostluğumuz sizin rəhbərliyinizlə daha da güclənmişdir.
Əminəm ki, prezidentliyinizin növbəti dövründə də ABŞ ilə Azərbaycan arasında əlaqələrin genişləndirilməsi üçün birgə işləyəcəyik.
Dərin
hörmətlə,
Milla Perri CONS,
ABŞ-ın
Texas ştatında Birləşmiş
Cərrahiyyə
Tərəfdaşları
Beynəlxalq Cəmiyyətinin vitse-prezidenti
Azərbaycan.-2013.- 30 dekabr.- S. 1.