«YARAT!» Müasir İncəsənət Məkanı müasir Azərbaycan incəsənətinin inkişafına kömək etmək barədə təşəbbüsləri dəstəkləyir

 

Fevralın 5-də "YARAT!" Müasir İncəsənət Məkanı ölkəmizin aparıcı dövlət qurumlarının, kommersiya və qeyri-hökumət təşkilatlarının müasir Azərbaycan incəsənətinin inkişafına kömək etmək barədə təşəbbüslərini dəstəkləyən sənəd qəbul etmişdir.

"YARAT!" Müasir İncəsənət Məkanından AzərTAc-a bildirmişlər ki, məqsədi müasir Azərbaycan incəsənətini dəstəkləmək, onu ölkədə və xaricdə layiqincə təqdim etmək olan bu qeyri-kommersiya təşkilatı 2013-cü ildə təşkil olunacaq müxtəlif proqramlarda iştirak etmək istəyən sponsorların istəyini tamamilə dəstəkləyir. Sənəddə qeyd edilir ki, 2012-ci ildə sponsorlar Azərbaycan müasir incəsənətinin inkişafına əhəmiyyətli dərəcədə kömək göstərmişlər.

"YARAT!"ın dostları sırasına daxil olan Azərbaycanın aparıcı dövlət orqanları və kommersiya, qeyri-hökumət təşkilatları, o cümlədən Heydər Əliyev Fondu, "İçərişəhər" Dövlət Tarix-Memarlıq Qoruğu İdarəsi, Gənclər və İdman, Mədəniyyət və Turizm nazirlikləri, Ailə, Qadın və Uşaq Problemləri üzrə Dövlət Komitəsi, "Azercell Telecom", "Bakcell Telecom", "Bank Respublika", "PASHA Holding", "Silk Way Travel", "Rapid Solutions", "İtaldizayn" təşkilatın gənc istedadlar axtarışını və onlara dəstəyini, Azərbaycan müasir incəsənətinin müxtəlif sahələrində onların layiqincə təqdim edilməsi üçün göstərdiyi cəhdləri, həmçinin göstərilən maliyyə dəstəyini yüksək qiymətləndirirlər.

"YARAT!"ın fəaliyyəti 2011-ci ilin oktyabrında "Ön söz" layihəsindən başlanmış, müasir incəsənət sahəsindəki proqramlar 2012-ci ilin dekabrın sonunadək davam etmişdir. 2012-ci ildə "YARAT!" ölkəmizdə və xaricdə müasir incəsənətin müxtəlif istiqamətləri üzrə 18-dən çox sərgi, festival, seminar, ustad dərsləri və başqa maarifləndirici tədbirlər təşkil etmişdir. Bu tədbirlər çərçivəsində həm yerli, həm də əcnəbi iştirakçılar öz işlərini təqdim etmişlər.

Təşkil edilən layihələr Ramal Kazımov, Vüsal Rəhim, Sitarə İbrahimova, Rəşad Ələkbərov, Rəşad Babayev, Niyaz Nəcəfov, Mehdi Məmmədov, Nəzrin Məmmədova, Əli Həsənov, Orxan Hüseynov  bir çox başqa proqram iştirakçılarının özlərini ifadə və nailiyyətlər əldə etmələrinə böyük dəstək olmuşdur.

"YARAT!" Müasir İncəsənət Məkanı gələcəkdə də Azərbaycan müasir incəsənətinin gənc nümayəndələrinin istisna olmadan hamısını dəstəkləyəcək, özünü ifadə etmək, ustalığını artırmaq və tanınmaq üçün onlara hər cür  şərait yaradacaqdır.

Ötən ilin yekunlarına həsr olunmuş mərasimdə "YARAT!"ın rəhbəri və yaradıcısı Aida Mahmudova demişdir: "Müasir incəsənət tədbirlərinin planlaşdırılması və uğurla həyata keçirilməsi prosesi peşəkar, emosional, fizikimaddi səylər tələb edir, könüllü olaraq bu işə qoşulan insanların, həmçinin sponsorların və xeyriyyəçilərin sədaqətlə çalışması sayəsində reallaşır. Eyni zamanda, istənilən cəmiyyətin düşüncəli vətəndaşı üçün incəsənətin, xüsusən müasir incəsənətin inkişafına kömək etmək alicənablıqdır. Ortairi kommersiyaqeyri-kommersiya təşkilatları adi vətəndaşlardan onunla fərqlənirlər ki, onların cəmiyyətdəki vəzifələri və gördükləri işdən savayı, həmin cəmiyyət qarşısında həm də sosial vəzifələri vardır.

Sevindirici haldır ki, Azərbaycanda həm vətəndaş mövqelərini ifadə edən, həm də cəmiyyət qarşısında olan sosial vəzifələrini fəal və layiqincə icra edən alicənab rəhbərlər çoxdur. 2012-ci ildə olan bütün nailiyyətlərimiz onların iştirakı və dəstəyi olmadan mümkünsüz olardı.

Biz sponsorlarımıza - aparıcı dövlət orqanları və kommersiya təşkilatlarına təşəbbüslərimizin reallaşmasına  göstərdikləri marağa və dəstəklərinə görə dərin minnətdarlığımızı bildiririk. Biz 2013-cü ildə qarşımızda qoyduğumuz ümumi məqsəd - gənc azərbaycanlı istedadlarının axtarışı və onların dəstəklənməsi, Azərbaycanın müasir incəsənət dünyasına həm gənc, həm də yaşlı nəslin cəlb edilməsi  naminə bərabər çalışacağımızı səbirsizliklə gözləyirik.

Biz əminik ki, respublikanın mənəvi gələcəyinə laqeyd olmayan digər rəhbərlər də bu təşəbbüslərə etinasız qalmayacaq və Azərbaycanın yüksək standartlı müasir incəsənət ölkəsinə çevrilməsi üçün fəal xeyriyyəçilik addımları atacaqlar".

 

 

Azərbaycan.-2013.- 6 fevral.- S.7.