DÜNYANIN XOCALI DƏRDİ
BAŞ REDAKTORDAN
Dünyanın Azərbaycan adlı ölkəsində Xocalı adlı bir kənd vardı. Bu kənddə insanlar xoşbəxt yaşayır, halal zəhmətləri ilə dolanır, toy edib oğul-uşaq sahibi olur, övladlarını oxudub böyüdürdülər. Sonralar bu kənd böyüyərək abad şəhərə çevrildi.
Xocalı şəhəri Xankəndinin lap yaxınlığında yerləşir.
Hər ikisi Dağlıq Qarabağın ərazisindədir.
Bu yaşayış məntəqələrində əsasən iki millət - azərbaycanlılar və ermənilər yaşayırdılar.
Həm də bir-biriləri ilə mehriban dolanırdılar.
Ta o vaxta qədər ki, "erməni xəstəliyi"nə tutulmuş
erməni separatçıları
Dağlıq Qarabağın
ərazisini Azərbaycandan
qopararaq Ermənistana birləşdirmək niyyətilə
əməli fəaliyyətə
başladılar.
Bununla da bütün Qarabağın
növrağı pozuldu.
Dostluq əvvəlcə
qarşıdurmaya, sonra
düşmənçiliyə, ən nəhayət ölüm-dirim savaşına
çevrildi.
Xocalı camaatı mərd, qorxmaz insanlardır.
Qadınlı-kişili millətini sevməyi, torpaq uğrunda ölümə
getməyi bacaran vətənpərvərlərdir.
Düşməndən qorxmağı, erməni qabağından qaçmağı özlərinə
heç zaman sığışdırmayıblar.
Özlərini öz torpaqlarının sahibi saydıqlarından yaşayış məntəqəsini
boşaltmaq, döyüşsüz-filansız
şəhəri tərk
etmək niyyətinə
düşməyiblər.
Tarix 26 fevral 1992-ci ildə xocalılılara çox
ağır sınaq
hazırlamışdı!
Əslində bu, insanların ölümlə çəkildiyi
imtahan idi!
"İmtahan götürənlər" təpədən-dırnağadək
silahlanmış, zirehli
texnika ilə gücləndirilmiş, tərkibi
doxsan faiz erməniləşdirilmiş sovet
alayı idi!
İmtahanı birinci Xocalının qəhrəman müdafiəçiləri,
366-cı alayla müqayisədə
əliyalın görünən könüllü
özünü-müdafiə batalyonunun üzvləri verdilər.
Hamısı qəhrəmancasına döyüşdü,
şəhid adına layiq görüldü!
Ağsaqqal və ağbirçəklərə,
düşmən üçün
heç bir təhlükə törətməyən qadınlara, uşaqlara da rəhm edilmədi.
613 nəfər dinc sakin qətlə
yetirildi...
Bir vaxtlar "dünyanın ən humanist ordusu",
" sülh ordusu"
adlandırdığımız sovet ordusu 106 qadına, 70 qocaya, 63 uşağa öz gücünü və qüdrətini göstərdi!
8 ailə büsbütün
məhv edildi!
Düşmən həmin gecə
Xocalını ələ
keçirdi, evləri
qarət etdi, yandırdı,
dağıtdı, daşı
daş üstə qoymadı!
Nə
idi bu qədər qəddarlığın,
vəhşiliyin səbəbi?
Xocalı
soyqırımını bizə
"ərməğan" edənlər
niyə bu qədər kinli, qəzəbli idilər, qaniçənlik göstərirdilər?
Onları qanımıza susadan nə idi?
Xocalı soyqırımı bizə
müstəqil dövlət
kimi yaşamaq niyyətinə düşdüyümüzə
görə verilən
cəza idi!
Xocalı
soyqırımı bizə
torpaqlarımızı yenidən
"könüllü" şəkildə ermənilərə
hədiyyə
verməməyimizə görə verilən cəza idi!
Xocalı
soyqırımı bizə
gücləndirilmiş və
arxalı düşmənə
ciddi müqavimət göstərdiyimizə
görə verilən
cəza idi!
Xocalı
soyqırımı bizə
kişili-qadınlı, qocalı-cavanlı,
bəzən hətta silahsız olsaq belə torpağımızı,
kəndimizi və evimizi birgə müdafiə
etdiyimizə görə
verilən cəza idi!
Nəhayət, Xocalı soyqırımı
bizə azərbaycanlı,
müsəlman olduğumuza
görə verilən
cəza idi!
Həmin gecə Xocalıya hücum edənlər şəhəri aldılar.
Amma qalib adını ala bilmədilər.
Tarix onlara silahsız insanların, qocaların, qadınların,
uşaqların qatili adını hazırlamışdı.
Onların alnına "qatil",
"soyqırımı törədənlər"
damğası vuruldu.
İndi qalır bu şərəfsiz
adların rəsmiləşdirilməsi.
Azərbaycan iqtidarı bu sahədə də ardıcıl və səmərəli iş
aparır.
O məşum
gecədə Xocalıda
həlak olan hər bir insan müqəddəs
şəhidlik zirvəsinə
ucaldı!
Yaşından, cinsindən asılı
olmayaraq onların hər biri qəhrəmandır!
Ölümdən qorxmayan qəhrəman!
Ölümü ilə düşməni
məğlub edən,
onu əbədi lənətə
düçar edən
qəhrəman!
Vətən uğrunda şəhid
getməyin əzəmət
və müqəddəsliyini
göstərən qəhrəman!
Hər bir Azərbaycan vətəndaşının ürəyində
Xocalı adlı sağalmaz yara vardır!
Bu yara təkcə ağrıtmır, həm
də qürur və məhəbbət doğurur!
Bəli,
Xocalı faciəsi
bizim dərdimizdir, kədərimiz, qəmimizdir!
Ancaq eyni zamanda Azərbaycan xalqının əsrlər
boyu keçdiyi
mübarizə yolu, milli azadlıq yolu, şanlı, uğurlu yoludur!
Xocalı
bizi qorxutmadı,
çəkindirmədi! Əksinə mətinləşdirdi,
birləşdirdi, düşmənə
nifrətimizi daha da artırdı!
Xalqımız Xocalı faciəsini,
onun qurbanlarını
heç zaman unutmayacaqdır,
Xocalı soyqırımının
dünya tərəfindən tanınmasına
nail olacaqdır!
Bu sahədə ardıcıl,
planlı, məqsədyönlü
və qətiyyətli
şəkildə iş
aparılır.
24 fevral 1994-cü ildə hər il fevralın
26-nın "Xocalı soyqırımı
günü" kimi keçirilməsi barədə qərar qəbul olunub.
Hər il fevralın
26-sı saat 17.00-da Azərbaycan
Respublikası ərazisində
Xocalı soyqırımı
qurbanlarının xatirəsi
bir dəqiqəlik sükutla yad edilir!
"Xocalı soyqırımı,
ermənilərin xalqımıza
qarşı təcavüzü,
vəhşiliyi, insana
qarşı ən rəzil üsullardan istifadə etməsi bəşəriyyət tarixinə
daxil olub və olacaqdır. O gecə,
o günlər həlak
olanlar, dünyadan gedənlər
Azərbaycanın əziz
vətəndaşlarıdır, onlar respublikamızın ərazi bütövlüyü
yolunda qurban olublar, xalqımızın
milli azadlıq yolunda apardığı mübarizənin qurbanlarıdır,
şəhidləridir. Onların
faciəli surətdə
həlak olması, şəhid olması Azərbaycan xalqının
qəhrəmanlığının, mətanətinin, cəsarətinin
nümayişidir" - Bu, ulu
öndər Heydər
Əliyevin fikridir.
"Xocalı soyqırımı
törətməklə erməni
millətçiləri məkrli
məqsədlər güdürdü:
xalqımızı qorxutmaq,
vahimə yaratmaq, onun mübarizə əzmini qırmaq, torpaqların işğalı
faktı ilə barışmağa məcbur
etmək. Lakin hiyləgər və amansız düşmən
məqsədinə çata
bilmədi. Xocalı müdafiəçiləri qəddar
düşmənlə mübarizədə
əyilmədilər, qəhrəmanlıqla vuruşaraq
vətənə sədaqət
nümunəsi göstərdilər"
- Bu isə Prezident İlham Əliyevin verdiyi qiymətdir.
2012-ci ildə - Xocalı soyqırımının 20 illiyi
münasibətilə Prezident
İlham Əliyevin rəhbərliyi ilə Bakıda keçirilən möhtəşəm
ümumxalq yürüşü dünyanı
lərzəyə saldı,
bəşəriyyətin diqqətini insanlığa qarşı
törədilmiş bu
qəddar və amansız cinayətə yönəltdi.
Xocalı
soyqırımının dünyada
tanınması üçün
dayanmadan səmərəli iş aparılır. Dövlət
qurumları ilə bərabər Azərbaycan
parlamenti, qeyri-hökumət
təşkilatları, dünyanın
həqiqətsevər insanları yorulmadan mübarizə aparırlar.
Eyni zamanda:
- Heydər Əliyev Fondunun vitse-prezidenti Leyla xanım Əliyevanın rəhbərliyi
ilə "Xocalıya
ədalət" kampaniyasına
ilbəil daha çox ölkə və insan qoşulur;
- Diplomatik korpus getdikcə fəaliyyətinin
səmərəsini artırır;
- Azərbaycan - Türkiyə
diasporunun əlbir fəaliyyəti daha da genişlənir;
- Xaricdə təhsil alan tələbələr
özlərinə həmfikirlər toplayaraq Xocalı soyqırımı günlərində
xarici ölkələrdəki Ermənistan səfirlikləri qarşısında ifşaedici aksiyalar keçirirlər.
Artıq Pakistan, Meksika və Kolumbiya parlamentləri Xocalı soyqırımını
tanıyıblar.
ABŞ-ın 6 ştatında
Xocalı soyqırımı
ilə bağlı qətnamələr qəbul
edilib.
Bir neçə Avropa dövlətinin parlamentində Xocalı faciəsi ilə bağlı məsələlərin müzakirəsinə
başlanıb.
Dünyanın Xocalı adlı
bir dərdi var!
Amma bütün
dünya bu dərdi çəkirmi?
Son
hadisələr göstərir ki, qoca Dünya
yavaş-yavaş Xocalıda
baş verənlərin soyqırımı olduğunu
anlamağa, onu dərk edərək qiymətləndirməyə
başlayır!
Azərbaycan.-2013.- 26 fevral.- S.3.