«Azərbaycan Respublikası Prezidentinin
2009-cu il 31 avqust tarixli 155 nömrəli fərmanı ilə təsdiq
edilmiş «Azərbaycan
Respublikasının Standartlaşdırma, Metrologiya
və Patent üzrə Dövlət Komitəsi
haqqında Əsasnamə»də dəyişiklik edilməsi barədə
Azərbaycan
Respublikası Prezidentinin Fərmanı
Azərbaycan Respublikası
Konstitusiyasının 109-cu
maddəsinin 32-ci bəndini rəhbər
tutaraq qərara alıram:
Azərbaycan
Respublikası Prezidentinin 2009-cu il 31 avqust tarixli 155 nömrəli
fərmanı (Azərbaycan Respublikasının Qanunvericilik
Toplusu, 2009, ¹8, maddə 631; 2010, ¹12, maddə 1064; 2011, ¹2, maddə
85; 2012, ¹4, maddə 283, ¹10, maddə 949) ilə təsdiq
edilmiş "Azərbaycan Respublikasının
Standartlaşdırma, Metrologiya və Patent üzrə Dövlət
Komitəsi haqqında Əsasnamə"yə
aşağıdakı məzmunda 8.13-1-ci yarımbənd əlavə
edilsin:
"8.13-1.
məhsulların (işlərin, xidmətlərin) texniki
normativ hüquqi aktların tələblərinə, metroloji
qayda və normalara riayət olunmasına dövlət nəzarəti
aparılarkən, iradnamə və tələbnamələrin
verilməsi qaydasının layihəsini hazırlamaq və təsdiq
olunmaq üçün Azərbaycan Respublikasının Nazirlər
Kabinetinə təqdim etmək;".
İlham ƏLİYEV,
Azərbaycan Respublikasının
Prezidenti
Bakı şəhəri, 5 iyun
2013-cü il
Azərbaycan.-2013.- 6 iyun.- S.1.