Vladimir YEFİMOV: Biz ölkələrimizin - Rusiyanın və Azərbaycanın rifahı naminə həm investisiyalara, həm də birgə fəaliyyətə açığıq

Volqoqradda "Rusiya Federasiyası və Azərbaycan Respublikasının iqtisadi əməkdaşlığının yeni üfüqləri" mövzusunda sərginin açılışında iştirak edən Volqoqrad Vilayət Dumasının sədri Vladimir Yefimov AzərTAc-ın müxbirinə müsahibəsində demişdir: "Biz investisiya siyasətində gələcək birgə fəaliyyətə və etibarlı tərəfdaşlara ümid bəsləyirik. Volqoqrad kifayət qədər rəqabətədavamlı regiondur. Bizi ixrac-idxal əməliyyatları sahəsində Azərbaycan ilə əməkdaşlıq maraqlandırır. "Rusiya Federasiyası və Azərbaycan Respublikasının iqtisadi əməkdaşlığının yeni üfüqləri" sərgisində kənd təsərrüfatı, neft-qaz sənayesi sahələrində nailiyyətlərimiz təqdim olunmuşdur. Volqoqradda neft sahəsi üçün xüsusi avadanlıq istehsal edən müəssisələr vardır. Biz ölkələrimizin - Rusiyanın və Azərbaycanın rifahı naminə həm investisiyalara, həm də birgə fəaliyyətə açığıq".

Azərbaycan.-2013.- 7 iyun.- S.4.