Oleq KİRSANOV: Bu
gün azərbaycanlı həmkarların
simasında layiqli
işgüzar tərəfdaş görür,
qarşılıqlı əməkdaşlığımıza
yol açırıq
Volqoqrad
vilayətinin vitse-qubernatoru, vilayət hökumətinin sədri
Oleq Kirsanov "Rusiya Federasiyası və Azərbaycan Respublikasının
iqtisadi əməkdaşlığının yeni üfüqləri"
adlı sərgi ilə tanış olduqdan sonra jurnalistlərə
müsahibəsində demişdir: "Heç şübhəsiz,
bu gün Azərbaycan dünyanın dinamik inkişaf edən
iqtisadiyyatlarından biri və qədim ənənəvi əlaqələrimiz
olan yaxın qonşumuzdur. Bu gün biz azərbaycanlı həmkarların
simasında layiqli işgüzar tərəfdaş
görür və qarşılıqlı əməkdaşlığımıza
yol açırıq. Azərbaycanda çox böyük
investisiya kapitalı vardır. Zənnimcə, müəyyən
şərait yaradılsa, bu
kapital Volqoqrad torpağına da gələcəkdir. Qeyd etmək
istəyirəm ki, bizim üçün çox vacib olan bu
forum Rusiya Federasiyası Prezidentinin himayəsi ilə
keçirilir. Görüşlərimiz kifayət qədər
yüksək potensial yaratmışdır ki,
qarşılıqlı əməkdaşlıq məsələlərinin
müzakirəsi uğurla keçsin".
Fəridə ABDULLAYEVA,
AzərTAc-ın xüsusi
müxbiri
Volqoqrad
Azərbaycan.-2013.- 7 iyun.- S.4.