Nikola ULLİŞ: «Almaniya və Azərbaycanın ali

məktəbləri arasında əməkdaşlıq yaxşı səmərə verir»

"Almaniya və Azərbaycanın ali məktəbləri

arasında əməkdaşlıq yaxşı səmərə verir".

Azərbaycan Texniki Universitetinin (AzTU) mətbuat xidmətindən bildirmişlər ki, bu sözləri Alman Akademik Mübadilə Xidməti (DAAD) Bakı Məlumat Mərkəzinin direktoru xanım Nikola Ulliş demişdir.

N.Ullişin sözlərinə görə, Almaniyanın Rostok Universiteti nəzdindəki Texniki Termodinamika İnstitutunun direktoru, AzTU-nun fəxri doktoru, professor Eqon Hassel, həmin institutun professoru Yurgen Noke, Daxiliyanma Mühərrikləri İnstitutunun direktoru, professor Horst Harndorf, Enerji Təchizatı İnstitutunun direktoru, professor Harald Veber yaxın vaxtlarda Bakıda olarkən Azərbaycan Texniki Universitetinin rektoru, professor Havar Məmmədov ilə görüşmüş, burada müqavilə çərçivəsində aparılan işlərlə ətraflı tanış olmuşlar.

N.Ulliş qeyd etmişdir ki, AzTU-nun İstilik və soyuqluq, habelə Daxiliyanma mühərrikləri, avtotraktorlar, enerji təchizatı və elektrik izolyasiyası kafedralarının fəaliyyəti Rostok Universitetinin təmsilçilərində xoş təəssürat yaratmışdır. AzTU-nun müəllim və tələbələri ilə söhbətdən aydın olmuşdur ki, hər iki universitet arasında əməkdaşlıq barədə müqavilə uğurla yerinə yetirilir. Tərəflər bu əlaqələrdən razıdırlar. Ali məktəblərimiz arasında qarşılıqlı fayda verən əməkdaşlıq gələcəkdə daha da genişləndirilə bilər. Biz ali məktəblərimiz arasındakı əməkdaşlıqla bağlı layihəni bundan sonra da dəstəkləyəcəyik.

AzərTAc

Azərbaycan.-2013.- 8 iyun.- S.9.