Ermənistan işğal
altında saxladığı Azərbaycanın Dağlıq Qarabağ bölgəsində
narkotik vasitələrin becərilməsinə münbit şərait
yaratmışdır
Dağlıq
Qarabağın Ermənistan tərəfindən
işğalından sonra hər kəsin işğal probleminin
həlli üzərinə cəmlənərək bu dövrdə
ictimaiyyətin gözündən yayınan və bəzən əhəmiyyətsiz hadisə kimi
görünən bir çox məsələlər ortaya
çıxmışdır.
Dağlıq
Qarabağın bu şəkildə müvəqqəti
qalacağını bilən Ermənistan rəhbərliyi
zamanın imkan verə bildiyi qədər bu torpaqlardan öz
xeyrinə istifadəsi və ya edə biləcəyi qədər
zərər yetirməsi faktlarını çoxumuz bilirik.
Bu
sözləri Azərbaycan-Türkiyə Gənclərinin
Dostluq Cəmiyyətinin (ATGDC) sədri Rəşxan
Qaraşlı müsahibəsində demişdir.
R.Qaraşlı
bildirmişdir ki, buna xüsusən də meşələrin
yandırılmasını və ətraf mühitə qəsdən
zərər yetirilməsini nümunə gətirmək olar.
Ancaq ən acınacaqlısı son günlərdə Azərbaycanın
milli təhlükəsizlik orqanları tərəfindən
ifşa edilən narkotik vasitələrin istehsalı, daha sonra
da digər dövlətlərə və eləcə də
ölkəmizə gətirilməsi faktlarının
aşkarlanaraq təsdiqlənməsi hadisəsidir.
Cəmiyyətin
sədri qeyd etmişdir ki, dünyada ən gəlirli ticarət
növləri qeyri-leqal olanlarıdır. Narkotik vasitələrin
ticarəti də bunların başında duranlardandır.
Artıq uzun illərdir ki, xarici yardımlar hesabına dolanan
Ermənistanın ağır iqtisadi böhran içərisində
olduğu hamıya məlumdur. Necə olur ki, bir ölkə
iyirmi ilə yaxın bir dövrü yardımların
hesabına yaşayır? Bu qədərmi yardım olunur Ermənistana?
Yardımlar hesabına dövlətin neçə illər
boyu yaşaması şübhə doğuran bir məsələdir
və əslində Ermənistanın qazancının digər
mənbələrdən də formalaşdığı
artıq açıq-aşkar məlum olur.
ATGDC
sədri vurğulamışdır ki, bu dövrdə üzərimizə
düşən əsas vəzifə Ermənistan tərəfindən
Dağlıq Qarabağda narkotik vasitələrin istehsalı və
yayılması həqiqətinin dünya ictimaiyyətinə
çatdırılmasıdır. Əfsuslar olsun ki,
bağlı dünya ölkələrinin narkotik maddələrin
istehsalı və tranziti ilə mübarizəsi onların
aşkarlanması və məhv olunması ilə kifayətlənir.
R.Qaraşlı
hesab edir ki, əsas məsələ Azərbaycanın öz
torpaqlarında baş verən qanunsuzluqlara nəzarət etməsi
imkanlarının olmamasıdır. Günün
reallığı onu göstərir ki, Dağlıq
Qarabağda narkotik vasitələr istehsal olunur və Azərbaycan
öz ərazisində baş verən qanunsuzluqların aradan
qaldırılmasına və narkotiklərin yayılmasına
qarşı mübarizədə fəal olmalıdır. Bunun
üçün bütün qüvvələr səfərbərlik
edilməli və bizə aid olan hər bir məsələdə
tam idarəetməni təmin etmək üçün
müvafiq addımlar atılmalıdır. Dünya ictimaiyyətinin
diqqəti bu məsələyə yönəldilməlidir.
AzərTAc
Azərbaycan.-2013.- 15 iyun.- S.10.