Bakıda Azərbaycan-Macarıstan
biznes forumu keçirilmişdir
İyunun 27-də İqtisadi İnkişaf Nazirliyinin dəstəyi, Azərbaycanda İxracın
və İnvestisiyaların
Təşviqi Fondunun
(AZPROMO) təşkilatçılığı
ilə Bakıda Azərbaycan-Macarıstan biznes
forumu keçirilmişdir.
Nazirliyin mətbuat xidmətindən
AzərTAc-a bildirmişlər
ki, tədbirdə rəsmi şəxslərlə
yanaşı, İKT sahəsində
fəaliyyət göstərən
şirkətlərin nümayəndələri
də iştirak etmişlər.
AZPROMO-nun rəhbəri Rüfət Məmmədov
Azərbaycan ilə Macarıstan arasında əlaqələrin yüksək
səviyyədə olduğunu,
bu münasibətlərin
hörmət və dostluq, qarşılıqlı
maraq prinsiplərinə
əsaslandığını, bunun iqtisadi və digər sahələrdə də əməkdaşlığın inkişafına təkan verdiyini bildirmişdir. Azərbaycan ilə
Macarıstan arasında
iqtisadi sahədə əlaqələrin daha da genişləndirilməsi
üçün hər
iki ölkənin böyük potensiala malik olduğu diqqətə çatdırılmışdır.
İş adamlarının iştirakı
ilə keçirilən
tədbirlərin iqtisadi-ticarət
əlaqələrinin genişlənməsində
əhəmiyyətini vurğulayan
Rüfət Məmmədov,
biznes təşəbbüslərinin
stimullaşdırılması baxımından biznes forumun ölkələrimiz
arasında yeni əməkdaşlıq imkanlarının
yaranmasında, mövcud
əlaqələrin genişlənməsində
faydalı olacağını
qeyd etmişdir.
Rabitə və informasiya texnologiyaları nazirinin müavini Elmir Vəlizadə "Azərbaycanda
İKT siyasəti" mövzusunda
təqdimatla çıxış
etmişdir. Nazir müavini Azərbaycanın
ilk telekommunikasiya peykinin
bu il
orbitə çıxarıldığını
diqqətə çatdırmış,
həmçinin İKT sahəsinin
inkişafı istiqamətində
görülən işlər
və informasiya-kommunikasiya
texnologiyalarının inkişafı
istiqamətində qarşıda
duran vəzifələr
barədə məlumat
vermişdir. Qeyd olunmuşdur ki,
ölkəmizdə İKT sahəsində
uğurla həyata keçirilən tədbirlər
dünyanın aparıcı
şirkətlərinin Azərbaycana
marağını artırmışdır.
Macarıstan Respublikasının telekommunikasiya
məsələləri üzrə
dövlət katibi Vilmoş Valyi Naqi çıxışında
hər iki ölkənin iqtisadi potensialından səmərəli
istifadənin, iş adamları
arasında əlaqələrin
genişlənməsinin Macarıstan-Azərbaycan
iqtisadi-ticarət əməkdaşlığının
inkişafında əhəmiyyətini
diqqətə çatdırmış,
iqtisadi əlaqələrin
inkişaf istiqamətlərini
vurğulamışdır. Dövlət
katibi Vilmoş Valyi Naqi iqtisadiyyatın
müxtəlif sahələrində,
o cümlədən İKT sahəsində əməkdaşlıq
üçün böyük
imkanların olduğunu
bildirmişdir.
Biznes
forum iş adamları arasında ikitərəfli
görüşlərlə davam etmişdir.
Azərbaycan.-2013.- 28 iyun.- S.11.