Renat AKÇURİN: Azərbaycan səhiyyə,
xüsusilə ürək-damar
cərrahiyyəsi sahəsində qazandığı
uğurlara görə regionun əsas mərkəzinə çevrilmişdir
AzərTAc
xəbər verir ki, bu sözləri 3-cü "Bakı
ürək günləri" Beynəlxalq konqresində
iştirak edən Rusiya Elmlər Akademiyasının akademiki,
Moskvadakı A.L.Myasnikov adına Klinik Kardiologiya İnstitutunun
Ürək-Damar Cərrahiyyəsi şöbəsinin
müdiri, kardiocərrah Renat Akçurin jurnalistlərə
müsahibəsində demişdir.
R.Akçurin
bildirmişdir ki, Azərbaycan hazırda regionda bu sahə
üzrə hər kəsin tanıdığı, bəzi məsələlərdə
faydalanmağa çalışdığı bir mərkəz
rolunu oynayır.
Qonaq
qeyd etmişdir ki, məhz ümummilli lider Heydər Əliyevin
səhiyyə sahəsində siyasətinin məntiqi davamı
olaraq Prezident İlham Əliyevin bu sahəyə xüsusi diqqət
ayırması Azərbaycanda kardiologiyanın və ürək
damar cərrahiyyəsinin sürətli inkişafına səbəb
olmuşdur.
Azərbaycan.-2013.- 19 may.- S.6.