Yeni Azərbaycan Partiyası Səbail
rayon təşkilatının X
konfransı keçirilmişdir
Mayın
21-də Yeni Azərbaycan Partiyası (YAP) Səbail rayon təşkilatının
X konfransı keçirilmişdir.
AzərTAc
xəbər verir ki, təşkilatın sədri professor Zahid
Qaralov tədbiri açaraq demişdir ki, konfransda partiyanın
mərkəzi aparatında qəbul edilmiş təlimata əsasən
YAP-ın V qurultayına hazırlığın vəziyyəti
müzakirə olunacaq, qurultaya nümayəndələr
seçiləcəkdir.
Bildirilmişdir
ki, YAP qarşıdan gələn prezident seçkilərinə
hazırlıqla bağlı böyük işlər
görür. Partiyanın hazırladığı seçki
proqramına uyğun olaraq bütün rayon və şəhər
təşkilatlarında ciddi işlər aparılır.
Artıq xeyli müddətdir ki, YAP-ın bütün
strukturları, partiyanın fəalları, rayon təşkilatının
əməkdaşları qarşıya qoyulmuş vəzifələrin
həyata keçirilməsinə səfərbər ediliblər.
YAP-ın seçki kampaniyasının uğurunu təmin edəcək
həlledici amil partiyamızın sədri İlham Əliyevin
namizədliyinin irəli sürülməsidir. Bütün
proseslərin təhlili göstərir ki, Azərbaycan cəmiyyəti
Prezident İlham Əliyevin namizədliyini birmənalı
şəkildə dəstəkləyir və seçkilərə
qalan müddət azaldıqca, Azərbaycan cəmiyyətində
İlham Əliyevin namizədliyinin dəstəklənməsi əhval-ruhiyyəsi
özünü daha aydın şəkildə göstərir. Z.Qaralov qeyd etmişdir ki, YAP Səbail
rayon təşkilatı bundan əvvəlki seçkilərdə
olduğu kimi, növbəti kampaniyaya da ciddi şəkildə
hazırlaşır və bütün resurslarını
seçki kampaniyasının daha uğurlu şəkildə həyata
keçirilməsinə səfərbər edəcəkdir.
Seçki kampaniyasını uğurla başa vurmaq
üçün üzərimizə düşən
bütün vəzifələri əzmlə yerinə yetirəcəyik.
Daha
sonra prezident seçkilərinə hazırlıqla
bağlı görülən işlər geniş müzakirə
olunmuş, partiyanın V qurultayına nümayəndələr
seçilmişdir.
Konfransda
cari və təşkilati məsələlərə də
baxılmış, müvafiq qərarlar qəbul olunmuşdur.
Azərbaycan.-2013.- 22 may.- S.6.