Dağların boynuna dolanan
yollar
Hörmətli redaksiya!
Özüm fotoqrafam. Könül oxşayan mənzərələrin,
gözəlləşən kəndlərimizin şəkillərini
çəkməkdən zövq
alıram. Hətta bir
neçə fotoalbomum
da çıxıb.
Hər şey yoldan başlayır deyirlər.
Son 20 ildə isə rayonumuzun həm yolları, həm də kəndləri sürətlə
abadlaşır. Yeni, müasir
yollar da dağların sinəsinə
boyunbağı kimi dolanaraq Gədəbəydən
ucqar kəndlərə
sarı baş alıb gedir. Vaxt var idi bir
kənddən o birisinə,
ya da rayon mərkəzinə getməyə
bir gün bəs etməzdi. Ölkəmiz müstəqilliyini
bərpa etdikdən sonra abadlıq, quruculuq işləri vüsət aldı, rayon mərkəzinin və eləcə də kəndlərin siması xeyli dəyişdi. 30-40 il əvvəl
şəklini çəkdiyim
yollarla indiki geniş, rahat və səliqəli asfalt yollar arasında
yerlə göy qədər fərq var. Çünki dövlət
regionların inkişafına
xüsusi diqqətlə
yanaşır. Prezident İlham
Əliyevin hələ
2006-cı ilin noyabrında
rayon camaatı ilə
görüşü zamanı
verdiyi bütün vədlər yerinə yetirildi. Tikinti-abadlıq işləri yenə
davam etdirilir. 57 kilometr uzunluğunda
Şəmkir-Gədəbəy magistral yolu elə 2007-ci ildən genişləndirildi, yeni asfalt döşəndi.
2012-ci ildə Prezidentin sərəncamına
əsasən Gədəbəy-Novosaratovka-Qaravəllər
yolunun çəkilişinə
3 milyon manat vəsait ayrıldı, qayalıq və bataqlıq ərazilərdən
keçən Gədəbəy-Gərgər
yolu genişləndirilib,
keyfiyyətli asfaltla örtüldü. Ötən
ilin sonunda isə həmin yolun qalan hissəsinin
yenidən qurulması
üçün 15,6 milyon manat ayrıldı.
Mart ayının ilk günlərindən
isə başlayan
"Gəncə Körpü"
Səhmdar Cəmiyyəti
lazımi qədər
texnika və işçi qüvvəsi
ayırdı. Çətin keçilən dağ
yolu boyunca qayalar dağıdılır,
yollar genişləndirilir,
çökmə ehtimalı
olan sahələr daha dərin qazılır, qaya parçaları və daşla bərkidilir.Yollar
müvafiq texnika ilə döyəclənib
bərkidildikdən sonra
iki dəfə qalın və keyfiyyətli asfaltla örtülür. Artıq işlər
Poladlı və Qızıltorpaq kəndləri
arasında gedir.
Kərəm NƏBİYEV,
Gədəbəy rayonu
Azərbaycan.- 2013.- 26 may.- S. 6.