ABŞ Azərbaycanın strateji
tərəfdaşıdır
Mayın 29-da Milli Məclisin Sədri Oqtay Əsədov Amerika Birləşmiş Ştatlarının bir qrup konqresmenini qəbul edib. Görüşdə Azərbaycan-ABŞ əlaqələri müzakirə olunub, həmçinin Azərbaycan barədə konqresmenlərə ətraflı məlumat verilib.
Milli Məclisin Sədri Oqtay Əsədov ABŞ konqresinin nümayəndələrini Azərbaycan parlamentində görməkdən məmnunluğunu ifadə edib. Bildirib ki, Bakıda keçirilən "Gələcəyə baxış" ABŞ-Azərbaycan Forumu ölkələr arasındakı strateji tərəfdaşlığın göstəricisidir: "Azərbaycan müstəqilliyini bərpa etdikdən sonra onu tanıyan ilk ölkələrdən biri ABŞ olub. O dövrdən etibarən ABŞ-la siyasi, iqtisadi əlaqələrimiz inkişaf mərhələsinə qədəm qoyub".
Oqtay
Əsədov 1918-ci ildə Şərqdə yaradılan ilk
müstəqil demokratik respublika - Azərbaycan Xalq Cümhuriyyəti
barədə qonaqlara məlumat verib. Qeyd edib ki, o vaxt təşkil
olunan parlament Şərqdə ən demokratik parlamentlərdən
biri idi. Bugünkü müstəqil Azərbaycan parlamenti də
əvvəlki ənənələri qoruyub
saxlamışdır: "Hazırda parlamentdə gender məsələsi
də qorunur. Parlament üzvlərinin 20 faizi qadınlardan ibarətdir.
Burada 11 siyasi partiya, 125 deputat təmsil olunur".
Milli
Məclisin Sədri daha sonra ABŞ konqresi ilə Azərbaycan
parlamenti arasında dostluq qruplarının fəaliyyət
göstərdiyini xatırladırb. Bildirib ki, hər iki dostluq
qrupu fəallıq göstərir. Sədr Azərbaycanın
çox çətin geostrateji mövqedə yerləşdiyini
də deyib: "Şimaldan Rusiya, cənubdan İran, qərbdən
isə Ermənistan ilə həmsərhədik.
Belə bir şəraitdə Azərbaycanın enerji
resurslarının və təbii sərvətlərinin
olması bir sıra dövlətlərlə maraqların
toqquşmasına, problemlərin yaranmasına səbəb
olur. Hesab edirəm ki, Ermənistan-Azərbaycan, Dağlıq
Qarabağ problemi də bunun tərkib hissələrindən
biridir. Ancaq bu çətinliklərə baxmayaraq, Azərbaycan
öz təbii ehtiyatlarını Avropaya yönəltməklə
səmərəli əməkdaşlıq qurur.Təəssüflər
olsun ki, bəzi ölkələr Azərbaycan əleyhinə
qeyri-dəqiq xəbərlər yayırlar. Erməni lobbisinin
Azərbaycan əleyhinə apardığı təşviqat
isə vəziyyəti daha da ağırlaşdırır. Azərbaycanın
1 milyondan çox qaçqın və məcburi
köçkünü var, torpaqlarımızın 20 faizi ermənilər
tərəfindən işğal olunub. Azərbaycan problemin
sülh yolu ilə həll olunmasına inanır və bu
istiqamətdə fəaliyyətini davam etdirəcək. Hesab
edirik ki, beynəlxalq təşkilatlar beynəlxalq hüququn bərpa
edilməsi üçün Ermənistan-Azərbaycan,
Dağlıq Qarabağ probleminin həllinə öz dəstəklərini
göstərməlidirlər".
ABŞ
konqresmenləri isə Azərbaycan parlamentində xoş
qarşılandıqlarına görə təşəkkür
ediblər və Dağlıq Qarabağla bağlı ətraflı
məlumat almaq istədiklərini bildiriblər. Oqtay Əsədov
onları maraqlandıran məsələlərə
aydınlıq gətiribdir.
Elgün
MƏNSİMOV,
Azərbaycan.- 2013.- 30 may.- S. 2.