Azərbaycan Prezidenti İlham Əliyev Əfqanıstanın xarici işlər nazirinin başçılıq etdiyi nümayəndə heyətini qəbul etmişdir

Azərbaycan Respublikasının Prezidenti İlham Əliyev mayın 30-da Əfqanıstanın xarici işlər naziri Zalmai Rassulun başçılıq etdiyi nümayəndə heyətini qəbul etmişdir.

Xarici işlər naziri Zalmai Rassul Əfqanıstan Prezidenti Həmid Kərzainin salamlarını dövlət başçısına çatdırdı.

Görüşdə ölkələrimiz arasında əlaqələrin müxtəlif sahələrdə inkişafından məmnunluq ifadə olundu, Azərbaycanın Əfqanıstanla bağlı müxtəlif beynəlxalq humanitar proseslərdə iştirakının əhəmiyyəti qeyd edildi, ölkələrimizin müxtəlif istiqamətlərdə, o cümlədən təhsil, səhiyyə və digər sahələrdə əməkdaşlığının bundan sonra da davam etdiriləcəyinə əminlik bildirildi.

Dövlət başçısı Prezident Həmid Kərzainin salamlarına görə minnətdarlığını bildirdi, onun da salamlarını Əfqanıstanın dövlət başçısına çatdırmağı xahiş etdi.

AzərTAc

Azərbaycan.- 2013.- 31 may.- S. 3.