Ərkivanda abadlıq və quruculuq işləri geniş vüsət alıb

 

Heydər Əliyev Fondunun milli-mənəvi dəyərlərin qorunması

 ilə bağlı təşəbbüsləri burada uğurla reallaşır

 

 

Artıq neçə illərdir ki, müstəqil Azərbaycan dövləti inkişaf templərinə görə dünyada öncül mövqeyə malikdir. Bu sürətli inkişaf xalqın ümummilli lideri Heydər Əliyevin müdrik, uzaqgörən siyasəti və bu kursun Azərbaycan Respublikasının Prezidenti İlham Əliyev tərəfindən uğurla davaminkişaf etdirilməsi sayəsində mümkün olub. Ölkəmiz regionaldünya əhəmiyyətli iri iqtisadi layihələri uğurla gerçəkləşdirir, hüquqi cəmiyyət yolunda möhtəşəm nailiyyətlərə imza atır. Bütün bunlar təsdiq edir ki, Azərbaycan bütün sahələrdə bir-birinin ardınca əldə etdiyi mühüm nailiyyətlərlə öz böyük gələcəyinin etibarlı təməlini qoyan bir ölkədir.

Ölkəmizdə son illərdə əldə olunan ən mühüm nailiyyətlərdən biri regionların, hər bir rayonun, şəhər və kəndlərin inkişaf yoluna çıxarılmasıdır. Prezident İlham Əliyevin təsdiq etdiyi regionların sosial-iqtisadi inkişafına dair dövlət proqramları Azərbaycanın bütün şəhər və kəndlərinə yeni həyat verib. Bu inkişaf respublikamızın cənub zonası və bu zonanın öncül rayonlarından olan Masallının da nümunəsində əyani müşahidə edilməkdədir. Beynəlxalq əhəmiyyətli avtomobil yolu üzərində yerləşən Masallı rayonu ölkə başçısı cənab İlham Əliyevin dəstəyi, qayğı və diqqəti sayəsində sürətlə inkişaf edir, abadlaşır. Regionların sosial-iqtisadi inkişafına dair dövlət proqramlarının uğurlu icrası son dövrlərdə rayona yeni nəfəs verib. Bunun nəticəsində ölkənin bütün bölgələri kimi Masallı da dinamik sosial-iqtisadi inkişaf yoluna qədəm qoyub. Dövlət proqramları masallılıların həyatında əsaslı dönüş yaradıb.

Prezident İlham Əliyev bu il sentyabrın 4-də ölkəmizin cənub rayonlarına səfəri çərçivəsində Masallı rayonunda da oldu. Həmin gün cənab Prezidentin iştirakı ilə Heydər Əliyev Mərkəzinin, Mədəniyyət Mərkəzinin, Yeni Azərbaycan Partiyası Masallı rayon təşkilatının inzibati binalarının, Masallı Regional Boks Mərkəzinin və Regional Taekvando Mərkəzinin açılışı göstərdi ki, rayon dinamik inkişaf yolundadır. Cənab Prezidentin iştirak etdiyi bu açılış mərasimləri həm də onu təsdiq etdi ki, Masallıda çoxsaylı istehsal və xidmət obyektlərinin istifadəyə verilməsi ilə yanaşı, müasir ictimai, sosial və mədəniyyət infrastrukturunun formalaşdırılması da diqqət mərkəzindədir.

Əlbəttə, ölkəmizdə qazanılan sosial-iqtisadi uğurlarda əlverişli sahibkarlıq və biznes mühitinin böyük rolu var. Prezident İlham Əliyevin həyata keçirdiyi iqtisadi siyasət sahibkarlığın tərəqqisinin təminində, yerli istehsalsosial infrastrukturun yaradılmasında, güzəştli kreditlərin ayrılmasında, insan kapitalı və təbii ehtiyatlardan səmərəli istifadə yolu ilə mövcud potensialın reallaşdırılmasında, yerlixarici investorların ölkəyə, xüsusilə regionlara cəlb olunmasında yeni bir səhifə açıb. Ölkədə sahibkarlığın inkişafı məqsədilə biznes mühitinin daim yaxşılaşdırılması, bu sahədə qanunvericilik bazasının təkmilləşdirilməsi, yerlixarici investisiyaların, müasir texnologiyaların, idarəetmə təcrübəsinin cəlb edilməsi və bu yolla yüksək keyfiyyətli, rəqabətqabiliyyətli məhsulların istehsal edilməsi Azərbaycan Respublikası Prezidentinin müəyyən etdiyi iqtisadi inkişaf strategiyasının prioritetlərindəndir.

Dövlət başçısı İlham Əliyev adamlarını biznes layihələrin həyata keçirilməsinə, investisiya yatırılmasına, habelə müəyyən sosial aksiyaların gerçəkləşməsində fəal iştiraka çağırır, biznesin inkişafı üçün daim bütün zəruri addımları atır. Bu sahədə son illərin reallıqları ondan ibarətdir ki, Azərbaycanın adamları da dövlətin diqqətini və qayğısını yaxından görür və üzərlərinə düşən vəzifələri yaxşı dərk edərək ölkənin iqtisadi inkişafı, tərəqqisi naminə əllərindən gələni edirlər. Azərbaycan sahibkarı dövlətə münasibətdə özünün sosialhüquqi məsuliyyətini bilir, onlardan irəli gələn vəzifələrin yerinə yetirilməsinə çalışır. Bütövlükdə bu gün hər birimizin qarşısında duran mühüm vəzifələrdən birincisi vətəndaşlıq mövqeyindən çıxış etmək, ölkənin daha da qüdrətlənməsi üçün çalışmaq və Prezident İlham Əliyevin siyasi kursuna dəstək verməkdir. Bu şərəfli vəzifələr naminə çalışmaq və əlindən gələni əsirgəməmək hər bir azərbaycanlının müqəddəs borcudur.

Prezident İlham Əliyev sentyabrın əvvəllərində respublikanın cənub zonasına səfəri zamanı bir daha sahibkarları ölkənin iqtisadi-sosial həyatında yaxından iştiraka çağırdı. Bu çağırışa qoşulan Masallıdan olan adamları ölkəmizin inkişafına, həyata keçirilən iqtisadisosial siyasətə öz fəaliyyətləri ilə layiqli töhfələr verməyə çalışırlar. Bunun nəticəsidir ki, Masallı inkişaf yolundadır və bu, rayonda istehsal olunan ümumdaxili məhsulun artımında da özünü göstərir.

Bununla yanaşı, əvvəldə qeyd etdiyimiz kimi, sosial layihələrin də reallaşdırılması, xeyriyyə tədbirlərinin həyata keçirilməsi də Masallıdan olan sahibkarların diqqət mərkəzindədir. Masallının Ərkivan qəsəbəsində inşa edilən və bu günlərdə istifadəyə verilən "Mərasim evi"ni buna misal göstərmək olar. Eyni vaxtda 600 nəfəri qəbul etmək imkanı olan bu binada hər şey yüksək standartlara uyğun qurulub. Açılışdan öncə binanın qarşısında qurbanlar kəsilib və imkansızlara paylanılıb. Tədbirdə Qafqaz Müsəlmanları İdarəsinin sədr müavini Hacı Mirəziz Seyidzadə, cənub bölgəsinin qazisi Hacı Mirqiyas ağa, Ərkivanın din xadimləri Hacı Mirkərim, Hacı Əlihəsən, Hacı Həmid, rayon ziyalılarından Mirqabil Hüseynov, Məmmədağa Sadıqov, Ərkivan bələdiyyəsinin sədri İsrail Tağıyev, rayon icra hakimiyyəti başçısının nümayəndəsi Kamal Mazanov, idmançılar adından Rövşən Süleymanov çıxış edərək bu cür xeyirxah əməllərə görə bu işi ərsəyə gətirənlərə təşəkkür ediblər.

Sonda bu sosial layihəni həyata keçirən adamı Gülağa Tənha çıxış edərək tədbirə qatıldıqları üçün iştirakçılara təşəkkür etmiş, gələcəkdə görəcəyi işlərdən danışmışdır. O demişdir: "Xeyriyyəçilik termini insanların şüurunda adətən şəfqət, başqasının halına yanma, ehtiyacı olanlara könüllü və təmənnasız kömək etmək kimi keyfiyyətlər və hərəkətlər barədə assosiasiya yaradır. Lakin fikrimcə, müasir anlamda xeyriyyəçilik daha geniş məna daşıyır, cəmiyyətin rifahı naminə hər cür təmənnasız könüllü fəaliyyəti əhatə edir. Bu fəaliyyət həm konkret fərdlərə və zəif müdafiə olunan qruplara, həm də ictimai həyatın müxtəlif sahələrinin - təhsilin, elmin, mədəniyyətin, incəsənətin inkişafının dəstəklənməsinə yönəldilə bilər. Xeyriyyəçilikdən danışarkən qeyd etməliyik ki, Heydər Əliyev Fondunun prezidenti, Milli Məclisin deputatı, UNESCO və İSESCO-nun xoşməramlı səfiri Mehriban xanım Əliyevanın bu sahədə fəaliyyəti hər birimiz üçün nümunədir. Mehriban xanım Əliyeva özünün həyat məramını, ömrünün mənasını insanlara, qayğı və diqqətə daha çox ehtiyacı olanlara yardım etməkdə, onları sevindirməkdə görür. Bu fəaliyyəti ilə o, həyatının mənasını insanlara təmənnasız köməkdə, xeyirxah və nəcib əməllərdə axtaran, bəşəriyyətin nicatı üçün çalışan insanlarla bir sırada dayanır. Özünün də söylədiyi kimi, başqalarına yaxşılıq, mərhəmət ömrü boyu onun üçün ümdə anlayışlara, ülvi insani keyfiyyətlərə çevrilmiş, eyni zamanda, bu xoşməramlı fəaliyyətin kökündə təmənnasızlıq, səmimilik dayanmışdır. Əslində, bu gün Azərbaycan vətəndaşlarının bu fəaliyyəti rəğbət və məmnunluq hissilə izləməsini də Mehriban xanım Əliyevanın yüksək humanizmində, işgüzarlığında və qayğıkeşliyində axtarmaq lazımdır".

Millətin işıqlı gələcəyi naminə bir sıra strateji əhəmiyyətli layihələri inamla həyata keçirən Heydər Əliyev Fondunun qısa müddətdə bir çox insanların ümid yerinə çevrildiyini qeyd edən G.Tənha bildirmişdir ki, ümummilli liderin ölməz ideyalarının layiqli daşıyıcısına çevrilmiş fond hər bir vətəndaşın zəruri istək və arzularının gerçəkləşməsinə, problemlərinin operativ həllinə maddi-mənəvi dəstək verir: "Fond insanlara ən müxtəlif səviyyələrdə yardım göstərməklə cəmiyyətdə yalnız sağlam ənənələrin, zəngin əxlaqi-mənəvi dəyərlərin möhkəmlənməsinə çalışır. Bu xeyirxah missiya köməksizə əl tutmaq, çarəsizdə ümid yaratmaq, bir sözlə, insanlara səmimi diqqət və qayğı istəyindən qaynaqlanır. Mehriban xanım Əliyevanın özünün də vurğuladığı kimi, fondun çoxşaxəli fəaliyyətinin bir başlıca qayəsi var - insanlara təmənnasız yaxşılıq etmək".

Çıxışlar bitdikdən sonra iştirakçılara ehsan verilmişdir. Qeyd edək ki, mərasim evi ikimərtəbəlidir. Birinci mərtəbə qadınlar, ikinci mərtəbə kişilər üçün nəzərdə tutulub. Hər iki mərtəbə qışda qızdırılması, yayda isə soyudulması üçün kondisioner qaz sistemi ilə təchiz olunub. Binanın inşasında yüksək keyfiyyətli tikinti materiallarından istifadə olunmuşdur. Mərasim evinə gedən 500 metrə yaxın yola asfalt döşənib, hər iki tərəfə hasar çəkilib, işıqlandırma sistemi quraşdırılıb. Binanın arxitekturasına uyğun olaraq, "Şah Səfi" ocağında da bütünlüklə yenidənqurma işləri görülüb. Burada ən xırda detallar da nəzərə alınıb. Qurban kəsmək üçün yer, yuyucu otaq, yardımçı işlər üçün bina inşa olunub. Əlavə olaraq, məscidin yolu üzərində yerləşən evlərin həyətlərinə qədər bərbad vəziyyətdə olan yola asfalt çəkilmiş həmin həyətlərin hasarları yenidən tikilmişdir. Həmçinin kənd qəbiristanlığının bərbad vəziyyətdə olan hasarı da yenidən inşa olunmuşdur. Bir sözlə, bütün məscid ətraf yollar, həyətlər yenidən qurularaq kənd əhalisinin istifadəsinə verilmişdir.

Ərkivanlı ağsaqqal Nurəli Nəzərovla həmsöhbət oluruq. Bu müdrik insan  son illərdə Azərbaycanda xeyriyyəçilik hallarının böyük miqyasda genişlənməsinə çox sevinir deyir: "Hər birimiz Heydər Əliyev Fondunun prezidenti Mehriban xanım Əliyevanın vətəndaşlara diqqət qayğı nümunələri ilə zəngin olan çoxşaxəli fəaliyyətinə nəzərən savab xeyirxah əməllərin qədər vacib olduğunu dərk edirik. Heydər Əliyev Fondunun prezidentinin çox böyük xeyriyyəçilik fəaliyyəti, bu istiqamətdə şəxsi təşəbbüskarlığı həmkəndlimiz Gülağa Tənha üçün nümunədir. Onu xeyriyyəçilik fəaliyyətinə çağıran məhz Heydər Əliyev Fondunun həyata keçirdiyi möhtəşəm layihələr, Mehriban xanım Əliyevanın çoxşaxəli xeyriyyəçilik fəaliyyətidir. İş adamı əsl vətəndaşlıq mövqeyindən çıxış edir, ali məramları özünün həyat amalına çevirir, həm fəal xeyriyyəçiliklə, sosial layihələrin həyata keçirilməsi ilə məşğul olur".

Qeyd edək ki, Azərbaycanın birinci xanımı Mehriban xanım Əliyevanın rəhbərliyi ilə 2004-cü il mayın 10-dan fəaliyyətə başlayan Heydər Əliyev Fondu ulu öndərin həyat fəaliyyət fəlsəfəsinin, elmi-nəzəri irsinin, azərbaycançılıq ideologiyasının öyrənilməsi istiqaməti, təbliği, gələcək nəsillərə çatdırılması yolunda üzərinə götürdüyü şərəfli missiyanı uğurla həyata keçirir. İctimai təşkilat olan Heydər Əliyev Fondu qarşıya qoyduğu, reallaşdırdığı məqsəd və vəzifələrin əhəmiyyətinə, miqyasına görə ölkəmizdə analoqu olmayan yeni tipli qurumdur. Hələ illər öncə Mehriban xanım Əliyevanın təşəbbüsü ilə fond tərəfindən aparılan monitorinqlərin nəticəsi olaraq respublikanın bütün regionlarında yerləşən uşaq tərbiyə müəssisələrində problemlərin həllinə yönələn dörd əsas istiqamət - texniki dəstək, təhsil, səhiyyə və ictimai fəallıq prioritet təşkil edib. Bu müəssisələrin böyük əksəriyyətinin təmirə, yenidən qurulmasına, texniki təchizata böyük ehtiyacı olduğu müəyyən edildi. Fond tərəfindən başlanılan işlərə qoşulan Gülağa Tənha da Azərbaycanda olan təhsil müəssisələrinə, uşaq evləri və internat məktəblərinə kömək etmək istiqamətində dəstəyini əsirgəməyib. Heydər Əliyev Fondunun rəhbərliyi ilə keçirilən "Uşaq evləri və internat məktəblərinin inkişafı proqramı" çərçivəsində keçirilən layihələrdə iştirak edib, Xəzər rayonunun Şüvəlan qəsəbəsindəki zəif eşidən və sonradan kar olmuş uşaqlar üçün Respublika Xüsusi İnternat Məktəbinin tikintisini şəxsi vəsaiti hesabına həyata keçirib.

Ümumiyyətlə, xeyriyyəçilik insanların hər hansı direktivlər və göstərişlər əsasında deyil, qəlbinin və vicdanının səsi ilə öz vəsaitlərini, qüvvələrini, vaxtını və enerjisini sərf edərək gördüyü xeyirxah işlərdir. Mənəviyyatın ali qanunlarına görə isə xeyriyyəçilik fəaliyyətinin əsas motivi şəxsən özün üçün hər hansı dividendlər və ya səmərə gözləmək deyil, məhz insanlara sevgi və təmənnasız olaraq xeyirxah işlər görmək arzusundan ibarət olmalıdır. Heydər Əliyev Fondununonun prezidenti Mehriban Əliyevanın xeyriyyəçilik təşəbbüslərindən ilham alan insanların da fəaliyyətinin təməlində məhz insanlara sevgi və təmənnasız xeyirxahlıq göstərmək kimi ali insani prinsiplər dayanır.

 

 

 

Valeh RƏHİMLİ,

Azərbaycan.-2013.- 15 noyabr.- S.5.