Paytaxtımız əcnəbi rəssamların gözü ilə

Mədəniyyət və Turizm Nazirliyinin və Azərbaycanın Kişinyovdakı səfirliyinin təşkilatçılığı ilə Moldovanın dörd rəssamı Bakıya yaradıcılıq səfəri ediblər. Onlar azərbaycanlı həmkarları ilə birlikdə paytaxtımızı və onun ətrafını gəzərək rəsmlər çəkiblər. Elə bu rəsmlərdən ibarət də "Qalereya 1969" salonunda moldovalı rəssamların sərgisi açılıb. İki ölkə arasında əməkdaşlığın inkişafına töhfə olan bu sərgidə Tatyana Frunze, Aleksandr Alavatski, Yakov Tixman, İlie Aleksandr Leu Bakı ilə bağlı çəkdikləri rəsmləri izləyicilərə təqdim etdilər. Sərgidə çıxış edənlər bildirdilər ki, burada nümayiş etdirilən əsərlərdən ibarət kataloqun nəşri də bu yaxınlarda işıq üzü görəcək.

Azərbaycan.-2013.- 5 oktyabr.- S.12.