Vyanada sərgi

 

Avstriyanın paytaxtı Vyanada fəaliyyət göstərən Azərbaycan Mədəniyyət Mərkəzində gənc rəssam İslam Həsənəlizadənin rəssamlıq və heykəltəraşlıq əsərindən ibarət sərgi açılıb.

Mədəniyyət Mərkəzində ilk dəfə təşkil olunan bu sərgidə gənc rəssamın əsərlərinə yer verilməsi təsadüfi deyil. Mərkəzin məqsədi azərbaycanlı gənc rəssamları Avstriya ictimaiyyətinə tanıtmaq, incəsənətimizi Avropaya təqdim etməkdir. Qeyd edək ki, İslam Həsənəlizadənin əsərləri bu sərgidən öncə Rusiya, İtaliya, Fransa, Böyük Britaniya, Almaniya, Gürcüstanbaşqa ölkələrdə də nümayiş olunub. Gənc rəssamın Vyanada təşkil olunan ilk fərdi sərgisi maraqla qarşılanıb.

Tədbirdə Avstriya parlamentinin deputatları, hökumət təmsilçiləri, Vyanaya akkreditə olunmuş diplomatik korpusun nümayəndələri, bu ölkədə yaşayan soydaşlarımız və sənətsevərlər iştirak edirdilər.

Vyanada fəaliyyət göstərən Azərbaycan Mədəniyyət Mərkəzi açıldığı qısa müddət ərzində bir-birindən maraqlı  tədbirlər təşkil etməklə milli mədəniyyətimizin Avropada tanıdılmasında mühüm işlər görür.

 

Azərbaycan.-2013.- 15 oktyabr.- S.10.