Gəncədə Türkiyə Cümhuriyyətinin 90 illiyi qeyd edilmişdir

Türkiyə Respublikasının Gəncədəki Baş Konsulluğunun təşkilatçılığı ilə Türkiyə Cümhuriyyəti yaranmasının 90 illiyinə həsr edilmiş tədbir keçirilmişdir.

AzərTAc xəbər verir ki, tədbirdə çıxış edən Türkiyənin Gəncədəki Baş Konsulu Haluk Ağca 1919-1923-cü illərdə Mustafa Kamal Paşanın (Atatürk) rəhbərliyi ilə həyata keçirilən istiqlal mübarizəsi nəticəsində öz müstəqilliyini bərpa edən Türkiyənin qazandığı uğurlardan danışmış, qardaş Azərbaycan Respublikası ilə qurulan əlaqələrin verdiyi bəhrələri diqqətə çatdırmışdır.

Yubiley tədbirində Gəncə Şəhər İcra Hakimiyyətinin başçısı Elmar Vəliyev çıxış edərək tarixi köklərə söykənən hər iki ölkə arasında mövcud olan qardaşlıq münasibətlərinin bəhrələrindən söhbət açmışdır. Sonra yubiley tədbiri musiqi sədaları altında davam etmişdir.

Azərbaycan.-2013.- 31 oktyabr.- S.2.