Görkəmli oftalmoloq alim, akademik Zərifə Əliyevanın «Seçilmiş əsərləri» AMEA nın Mərkəzi Elmi Kitabxanasına daxil olmuşdur

Görkəmli oftalmoloq alim, akademik Zərifə Əliyevanın "Seçilmiş əsərləri" Azərbaycan Milli Elmlər Akademiyasının (AMEA) Mərkəzi Elmi Kitabxanasına daxil olmuşdur.

AMEA-dan AzərTAc-a bildirmişlər ki, Azərbaycan və rus dillərində dərc edilmiş əsərlərin sırasına "Elmi əsərlər məcmuəsi" (2 cilddə), "Şin istehsalında gözün peşə patologiyası", "Xroniki yod intoksikasiyası zamanı oftalmopatologiya", "Oftalmologiyanın aktual problemləri" (3 cilddə), "Görmə orqanının vərəmi", "Görmə orqanının peşə patologiyası" (2 cilddə), "İridodiaqnostikanın əsasları", "Gözün və görmə siniri yolunun yaşla əlaqədar dəyişiklikləri" adlı kitablar daxildir.

Oftalmologiyanın müxtəlif sahələrindən bəhs edən kitablara Azərbaycan və Rusiyanın görkəmli alimləri tərəfindən rəylər verilmişdir.

"Şərq-Qərb" ASC-nin mətbəəsində dərc olunmuş yeni nəşrlər tibbin bu sahəsi üzrə fəaliyyət göstərən və elmi tədqiqatla məşğul olan şəxslər üçün dəyərli mənbədir.

Azərbaycan. - 2013.- 5 sentyabr.- S. 6.