Beynəlxalq reytinq agentlikləri Azərbaycanda gedən iqtisadi inkişafı yüksək qiymətləndirirlər
Azərbaycanın
qlobal rəqabətqabiliyyətlilik indeksinə
görə 7 pillə irəliləməsi uğurlu
iqtisadi siyasətdən xəbər verir
İqtisadi sahədə
keçid dövrünün
ağır sosial-iqtisadi, mənəvi-psixoloji
çətinliklərini uğurla geridə
qoyan respublikamız bütün
sahələrdə sürətlə inkişaf
edir, müasirləşir. Ölkədə
həyata keçirilən sosial infrastruktur layihələri Azərbaycan vətəndaşlarının
firavan həyat
tərzinin təmini məqsədinə xidmət edir. Ölkənin iqtisadi
uğurlarını hər bir vətəndaş
öz gündəlik həyatında, məişətində
hiss edir. Azərbaycan
təkcə sosial-iqtisadi deyil,
siyasi müstəvidə də bir çox problemləri
geridə qoyur.
Ölkənin
iqtisadi cəhətdən qüdrətlənməsi,
Azərbaycanın qlobal layihələrin həyata
keçirilməsində əsas tərəf kimi
beynəlxalq iqtisadi-siyasi proseslərdə
aparıcı qüvvəyə çevrilməsi rəsmi
Bakının mövqelərinin güclənməsi ilə
müşayiət olunur. Azərbaycan Prezidenti İlham Əliyev
praqmatik, peşəkar siyasətçi olaraq əməli addımları ilə hər
bir fərdin maraq və
mənafelərinin qorunmasına dövlət təminatının
olduğunu praktik surətdə
təcəssüm etdirir. Azərbaycanın
yaxın-uzaq ölkələrlə münasibətləri
qarşılıqlı maraqlar, sivil birgəyaşayış prinsipləri əsasında
inkişaf edir.
Azərbaycanın
bütün sahələrdə əldə
etdiyi nailiyyətlər Heydər Əliyev
siyasətinə alternativin
olmadığını bir daha təsdiqləyir. Bir zamanlar
əlçatmaz olan, xəyal kimi görünən iri
layihələrin real həyata vəsiqə
alması, şəhərlərimizin, rayonlarımızın,
hətta kəndlərimizin sürətlə abadlaşaraq
göz oxşaması, insanların
yaşayış səviyyəsinin ildən-ilə
yaxşılaşdırılması artıq gündəlik həyat normasına çevrilib.
Çətin, lakin şərəfli
müstəqillik tariximizin ötən 22
ilinə nəzər salarkən düşünməliyik ki, böyük qürur və fəxarətlə
qarşılaya biləcəyimiz uğurlarımız çoxdur. İllərin müqayisəsi fonunda hansı ağır sınaqlardan,
çətinliklərdən, təlatümlərdən
çıxdığımızın daha
çox fərqində olmalıyıq.
Geridə qalan illər tarix
baxımından böyük olmasa da, xaosdan
sabitliyə, tərəqqidən sürətli inkişafa
keçid mərhələlərini
özündə ehtiva edir.
Qlobal maliyyə böhranı bir sıra dünya ölkələrinin
iqtisadi inkişafına ciddi
zərbə vursa da,
Azərbaycanda sistemli və düzgün koordinasiya olunmuş preventiv tədbirlər
nəticəsində bütün makroiqtisadi paramertlər üzrə inkişaf təmin edilmişdir.
Maliyyə resurslarının səmərəli realizəsi
hökumətin qarşısında duran vəzifələri
həyata keçirməyə, iqtisadiyyatın inkişafı üçün zəruri maliyyə əsaslarının
formalaşdırılmasına da əlverişli
imkanlar yaratmışdır. Bu baxımdan ötən ilin
yekunları və cari ildə əldə olunan makroiqtisadi nəticələr
deməyə əsas verir ki,
ölkə iqtisadiyyatı davamlı inkişaf
edir.
Dünya İqtisadi
Forumunun 2013-2014-cü illər üzrə
"Dünya Rəqabətlilik
Hesabatı" rəsmi olaraq beynəlxalq
ictimaiyyətə təqdim edilmişdir.
Azərbaycan qlobal rəqabətqabiliyyətlilik
indeksinə görə 7 pillə irəliləmişdir. "Dünya Rəqabətlilik
Hesabatı 2013-2014" nəşrinə əsasən Azərbaycan
rəqabətlilik reytinqinə görə 148 dövlət
arasında 39-cu yerdə qərarlaşmışdır.
2012-2013-cü illər
hesabatında isə ölkəmiz 144 ölkə
arasında 46-cı, 2011-2012-cü illər hesabatında isə
142 ölkə arasında 55-ci yeri tutmuşdur. Qlobal iqtisadiyyatın böhran dövrünü
yaşadığı və yüksək rəqabət mühiti ilə səciyyələnən bir vaxtda Azərbaycanın
7 pillə irəliləməsi və dünyanın 50 ən rəqabətqabiliyyətli
iqtisadiyyatı sırasına daxil
olması, ölkədə aparılan məqsədyönlü
sosial-iqtisadi inkişaf
uğurlu siyasətin əyani göstəricisi
və ölkəmizin beynəlxalq nüfuzunun
artmasının nümunəsi kimi qiymətləndirilə
bilər.
Azərbaycan makroiqtisadi mühit
göstəricisinə görə 8-ci, əmək
bazarının səmərəliliyi göstəricisinə
görə 30-cu, texnoloji hazırlıq səviyyəsinə
görə 50-ci, innovasiyalara görə
isə 51-ci yerdə qərar tutub.
Bir sıra beynəlxalq reytinq agentlikləri də Azərbaycanda gedən
iqtisadi inkişafı yüksək qiymətləndirmişlər.
Belə ki, "Moods Investors Servises" beynəlxalq reytinq
agentliyi Azərbaycan Respublikasının
istiqrazlarına təyin etdiyi "Ba1"
reytinqini təsdiq edərək xarici valyuta üzrə
"Baa2" və yerli valyuta
üzrə "A3" reytinqlərinin proqnozunun
"sabit"dən "pozitiv"ə qaldırılması
barədə qərar qəbul etmişdir.
Bunlar
dövlətin fiskal
dayanıqlığını təmin edən işlərin, o cümlədən Azərbaycan Respublikası
Dövlət Neft Fondunun
aktivlərinin, qeyri-neft sektorunun
inkişafına dövlət investisiyalarının həcminin
əhəmiyyətli dərəcədə artımı
hesabına əldə edilmişdir. Bundan başqa, "Fitch Ratings" beynəlxalq
reytinq agentliyi təyin
etdiyi uzunmüddətli yerli
və xarici valyuta reytinqini "BBB" investisiya
səviyyəsində saxlayaraq reytinq üzrə proqnozun
"sabit"dən "pozitiv"ə dəyişdirilməsi
barədə qərar qəbul etmişdir.
MDB dövlətlərinin
büdcə vəsaitləri 2003-2012-ci illərdə 3-4 dəfə
artdığı halda respublikamızda bu göstərici üzrə fərq 10 dəfədən
çoxdur. Azərbaycanın büdcə
gəlirlərinin illik artım tempi ötən dövrdə orta
hesabla 30-40 faiz
artımla müşayiət olunmuşdur.
Məsələn, əgər 2003-cü ildə
büdcə gəlirləri 1 milyard 200 milyon manat təşkil
edirdisə, 2012-ci ildə bu rəqəm
17 milyard manatı ötmüşdür.
2013-cü ilin dövlət büdcəsi
2012-ci ilin dövlət büdcəsi ilə
müqayisədə gəlir və xərclərin artması
ilə diqqəti çəkmişdir. Bu ilin dövlət büdcəsi gəlirləri
19,2 milyard manatdır ki,
bu, cari illə
müqayisədə 2,14 milyard manat çoxdur. Cənubi Qafqaz regionu
iqtisadiyyatının 80 faizi məhz Azərbaycanın
payına düşür.
Bazar iqtisadiyyatı prinsipləri
bir sıra liberal
xüsusiyyətləri ilə yanaşı, əhalinin sosial müdafiəsi institutunun
yaradılması kimi sosialyönümlü
tədbirləri də özündə ehtiva
edir. Bu mənada bazar iqtisadiyyatı və əhalinin sosial müdafiəsi bir-biri
ilə üzvi şəkildə
bağlıdır. Sosial müdafiə sistemi ilk növbədə
hər bir insanın konstitusion
hüquqlarının müdafiəsini nəzərdə tutur. Onun vasitəsilə həm də əhalinin əmlak sahəsində
mövcud olan bərabərsizliyinin
müəyyən dərəcədə aradan
qaldırılmasını nəzərdə tutan,
vətəndaşların bütün təbəqələri
üçün eyni
başlanğıc şərtlərini təmin edən sosial ədalət prinsipləri
reallaşır. Azərbaycan bunlarla
yanaşı, həm də regionların sosial-iqtisadi
inkişafına xidmət edən mühüm
dövlət proqramlarını, fərman və sərəncamları
uğurla icra etmiş, həyata keçirilən sosial infrastruktur layihələri
nəticəsində bölgələrin siması dəyişmiş,
sahibkarlığın inkişafı, yeni
istehsal müəssisələrinin fəaliyyətə
başlaması, yeni iş
yerlərinin açılması naminə sistemli
addımlar atılmışdır.
Ötən
10 ildə uğurla gerçəkləşdirilən
sosial-iqtisadi islahatların - davamlı və
tarazlı inkişafı stimullaşdıran dövlət
proqramlarının, ictimai həyatın bütün sahələrini əhatə edən
fərman və sərəncamların nəticəsi olaraq respublikamız dünyanın sürətli
inkişaf yolunda
olan, qlobal maliyyə-iqtisadi
böhrandan uğurla
çıxan dövlətlərindən biri
kimi tanınır.
Özəl
sektorun inkişafının sürətləndirilməsi,
bu sahəyə maliyyə dəstəyinin
daha da gücləndirilməsi
məqsədilə dövlət vəsaitləri hesabına
sahibkarların investisiya layihələrinin
güzəştli qaydada kreditləşdirilməsinin
daha effektiv mexanizmi
formalaşdırılmışdır. Kiçik və iri sahibkarlara dövlət
büdcəsindən ayrılan vəsaitlərin həcminin ildən-ilə
artırılması, iş
adamlarının fəaliyyətinə süni
müdaxilələrin aradan
qaldırılması, antiinhisar və korrupsiyaya qarşı mübarizə tədbirlərinin
gücləndirilməsi iş adamları
tərəfindən də razılıqla
qarşılanır. Hazırda özəl sektorun
ümumi daxili məhsuldakı
payı 82 faiz təşkil edir. Demokratikləşmə prosesinin sürətləndirilməsi mərhələsində
sahibkarlığın və xüsusi
mülkiyyətçiliyin roluna verilən
böyük qiymət iqtisadi
cəhətdən inkişaf etmiş bir çox dövlətlərin uğurlu
təcrübəsinə əsaslanır.
İnsan amilini
əsas tutan sosialyönümlü
iqtisadi siyasət nəticəsində son illər Azərbaycanda işsizliyin
səviyyəsində də nəzərəçarpacaq dərəcədə
azalma müşahidə olunur.
Qeyri-neft
sektorunun və sahibkarlığın
inkişafı, yeni müəssisələrin
işə salınması istiqamətində həyata
keçirilən sistemli tədbirlər əmək
qabiliyyətli əhalinin iqtisadi fəallığının
yüksəlməsinə, eləcə də ölkənin məşğulluq
strategiyasının səmərəliliyinə imkan verir. Qeyri-neft sektorunun
davamlı və dinamik inkişafı
ölkədə işsizlik probleminin həllinə imkan
vermişdir. Ölkədə işsizliyin səviyyəsi 5,2 faiz,
yoxsulluğun səviyyəsi isə 6 faizdir. On il
ərzində 1 milyon 180 min
yeni iş yeri açılmışdır. Bu
ilin altı ayında 55 min iş yeri yaranmışdır. Onlardan da 45 mini daimi iş yeridir.
Azərbaycanda hazırda milli ideya səviyyəsində
nəzərdən keçirilən
məqsədlərdən biri
də məhz respublikanın orta inkişaf etmiş ölkələr səviyyəsindən
yüksək inkişaf
etmiş ölkələr
səviyyəsinə çatdırılmasıdır.
Bu məqsədin gerçəkləşdirilməsi üçün 2020-ci ilədək
ümumi daxili məhsulun azı 2 dəfəyədək artırılması
mühüm vəzifə
kimi qarşıda müəyyənləşdirilmişdir.
Respublikanın ilbəil genişlənən
maliyyə imkanları
isə bu məqsədin reallaşmasına
xidmət edən islahatları keyfiyyətcə
yeni mərhələdə
də yüksək dinamizmlə davam etdirməyə imkan verir. Aparılan uğurlu siyasət
nəticəsində Azərbaycan
iqtisadi, siyasi, hərbi cəhətdən
Cənubi Qafqazın lider dövlətinə çevrilmişdir. Nüfuzlu beynəlxalq
reytinq agentlikləri və qurumları da bunu öz
hesabatlarında vaxtaşırı
etiraf etməkdədirlər.
Elnur
HACALIYEV
Azərbaycan. - 2013.- 8 sentyabr.- S. 1.