Yardımlı rayonunun sosial-iqtisadi
inkişafının sürətləndirilməsinə dair əlavə tədbirlər haqqında
Azərbaycan
Respublikası Prezidentinin Sərəncamı
Azərbaycan Respublikası regionlarının
sosial-iqtisadi inkişafı
dövlət proqramlarının
uğurla yerinə yetirilməsi sahəsində
ölkənin bütün
bölgələrində, o cümlədən Yardımlı
rayonunda da bir sıra tədbirlər
həyata keçirilmiş,
mühüm infrastruktur
layihələri yerinə
yetirilmiş, təhsil,
səhiyyə, mədəniyyət
və digər sosialyönümlü obyektlər
inşa olunmuş, Yardımlı şəhərinin
su təchizatı sistemi yenidən qurulmuş, yeni avtomobil yolları çəkilmiş, abadlıq-quruculuq
işləri görülmüşdür.
Yardımlı
şəhərində abadlıq-quruculuq işlərinin davam etdirilməsi, "Azərbaycan
Respublikası regionlarının 2009-2013-cü illərdə sosial-iqtisadi inkişafı Dövlət
Proqramı"nda rayon üzrə müəyyən
olunmuş tədbirlərin həyata
keçirilməsinin sürətləndirilməsi məqsədi
ilə Azərbaycan Respublikası Konstitusiyasının 109-cu
maddəsinin
32-ci bəndini rəhbər tutaraq qərara
alıram:
1. Yardımlı rayonunun sosial-iqtisadi inkişafının sürətləndirilməsi
məqsədi ilə Yardımlı Rayon İcra Hakimiyyətinə Azərbaycan
Respublikasının 2013-cü il dövlət
büdcəsində nəzərdə tutulmuş
Azərbaycan Respublikası Prezidentinin Ehtiyat Fondundan 2,0 (iki) milyon manat
ayrılsın.
2. Azərbaycan
Respublikasının Maliyyə Nazirliyi bu sərəncamın 1-ci hissəsində nəzərdə
tutulan məbləğdə maliyyələşməni
müəyyən olunmuş qaydada təmin etsin.
İlham
ƏLİYEV,
Azərbaycan
Respublikasının Prezidenti
Bakı
şəhəri, 10 sentyabr 2013-cü il
Azərbaycan. - 2013.- 11 sentyabr.- S. 1.