Sloveniya Respublikasının Baş naziri Yanez Yanşa Azərbaycana rəsmi səfərə gəlmişdir

Sloveniya Respublikasının Baş naziri Yanez Yanşa yanvarın 15-də Azərbaycan Respublikasına rəsmi səfərə gəlmişdir.

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Sloveniya hökuməti başçısının şərəfinə fəxri qarovul dəstəsi düzülmüşdü.

Hava limanında Sloveniya Respublikasının Baş naziri Yanez Yanşanı Azərbaycan Respublikası Baş nazirinin birinci müavini Yaqub Eyyubov və digər rəsmi şəxslər qarşıladılar.

Sloveniyanın və Azərbaycanın dövlət himnləri səsləndirildi.

Sonra beynəlxalq aeroportun ali qonaqlar üçün salonunda Yanez Yanşa və Yaqub Eyyubov arasında qısa protokol söhbəti oldu.

AzərTAc

Azərbaycan.-2013.- 16 yanvar.- S.5.