Prezident İlham Əliyev Ukraynanın sabiq prezidenti Leonid Kuçma ilə görüşmüşdür

Azərbaycan Prezidenti İlham Əliyevin İsveçrəyə işgüzar səfəri

Yanvarın 24-də Davosda Azərbaycan Respublikasının Prezidenti İlham Əliyevin Ukraynanın sabiq prezidenti Leonid Kuçma ilə görüşü olmuşdur.

Görüşdə Leonid Kuçma Azərbaycan xalqının ümummilli lideri Heydər Əliyev ilə görüşlərini məmnunluqla xatırladı. Qarşılıqlı səfərlərin, xüsusilə də Prezident İlham Əliyev ilə keçirilən görüşlərin əhəmiyyətindən danışıldı.

Azərbaycan-Ukrayna münasibətlərinin uğurla inkişaf etdiyinin vurğulandığı görüşdə ölkələrimiz arasında dostluq əlaqələrinin bundan sonra da genişlənəcəyinə əminlik ifadə olundu.

AzərTAc

Azərbaycan.-2013.- 25 yanvar.- S.1.