Azərbaycan ilə Zimbabve
arasında
əməkdaşlıq
imkanları müzakirə edilmişdir
Aprelin
11-də iqtisadiyyat və sənaye naziri Şahin Mustafayev Azərbaycanda
səfərdə olan Zimbabve Respublikasının xarici işlər
naziri Simbaraşe Mumbengegvi ilə
görüşmüşdür.
Nazirliyin
mətbuat xidmətindən AzərTAc-a bildirmişlər ki,
görüşdə Azərbaycan ilə Zimbabve arasında
iqtisadiyyatın müxtəlif sahələrində əməkdaşlığın
perspektivləri müzakirə edilmişdir.
Nazir
Şahin Mustafayev son illər Afrika ölkələri, o
cümlədən Zimbabve ilə Azərbaycan arasında əlaqələrin
inkişaf etdiyini bildirmiş, qarşılıqlı səfərlərin
əhəmiyyətini vurğulamışdır.
Bildirilmişdir ki, Azərbaycan ilə Zimbabve arasında beynəlxalq
təşkilatlar, xüsusilə BMT çərçivəsində
də əməkdaşlıq həyata keçirilir. Azərbaycan
iqtisadiyyatı, respublikamızın iştirakçısı
və təşəbbüskarı olduğu iri layihələr
barədə məlumat verən nazir Şahin Mustafayev ölkələrimiz
arasında kənd təsərrüfatı, sənaye, kimya sahələrində
əməkdaşlıq imkanlarının olduğunu
vurğulamışdır. Qeyd edilmişdir ki, Azərbaycan-Zimbabve
iqtisadi əlaqələrinin inkişafı üçün zəruri
müqavilə-hüquqi baza yaradılmalı,
qarşılıqlı səfərlər və
işgüzar görüşlər təşkil edilməlidir.
Simbaraşe
Mumbengegvi Azərbaycan ilə Zimbabve arasında əlaqələrin
inkişafı üçün əlverişli imkanların
olduğunu qeyd etmiş, sənaye, infrastruktur, kənd təsərrüfatı
və s. daxil olmaqla iqtisadiyyatın bir sıra sahələrində
əməkdaşlığa dair konkret təkliflər səsləndirmişdir.
O bildirmişdir ki, təbii ehtiyatlarla zəngin Zimbabve Azərbaycanın
istehsalla məşğul olan şirkətləri ilə əməkdaşlıq
edə bilər.
Görüşdə,
həmçinin Zimbabvenin kimya sahəsində Azərbaycan təcrübəsinin
öyrənilməsində maraqlı olduğu diqqətə
çatdırılmışdır. S.Mumbengegvi
Azərbaycanın biznes dairələrini
Zimbabveyə səfərə dəvət etmişdir.
Azərbaycan.-2014.- 12 aprel.- S.4.