Səhiyyə naziri Tərtərdə vətəndaşları
qəbul etmişdir
Azərbaycan
Respublikasının Prezidenti İlham Əliyevin
tapşırıq və tövsiyələrinə əsasən
dövlət orqanlarının rəhbərləri bölgələrdə
vətəndaşların qəbulunu keçirir, onların
müxtəlif məsələlərlə bağlı
müraciətlərinin, ərizə və şikayətlərinin
müsbət həll olunması üçün müxtəlif
tədbirlər görürlər.
Səhiyyə naziri Oqtay Şirəliyev isə aprelin 18-də Tərtər Rayon Mərkəzi Xəstəxanasında vətəndaşları qəbul etmişdir.
Nazirliyin mətbuat xidmətindən AzərTAc-a bildirmişlər ki, qəbulda Tərtər, Ağdam, Bərdə, Yevlax rayonları və Mingəçevir şəhəri sakinlərinin şikayətlərinə baxılmışdır. Ümumilikdə 31 nəfərin sağlamlıq problemləri, işlə təminat və s. məsələlərlə bağlı müraciətləri dinlənilmişdir.
Respublikamızın tibb üzrə aparıcı elmi-tədqiqat institutlarının və xəstəxanalarının rəhbərlərinin də iştirak etdikləri qəbulda vətəndaşların müraciətlərində qaldırılan məsələlərin bir çoxu yerindəcə həllini tapmışdır.
Nazirliyin səlahiyyətlərinə
aid olmayan məsələlər
isə aidiyyəti üzrə çatdırılmaq üçün qeydiyyata
alınaraq nəzarətə götürülmüşdür.
Azərbaycan.-2014.- 19 aprel.- S.4.