Azərbaycan-Qazaxıstan hərbi əlaqələri
və qarşılıqlı maraq
doğuran digər məsələlər
ətrafında fikir mübadiləsi aparılmışdır
Azərbaycan
Respublikasının müdafiə naziri, general-polkovnik Zakir Həsənov
ölkəmizə rəsmi səfərə gəlmiş
Qazaxıstan Respublikasının müdafiə naziri Serik
Axmetov ilə görüşmüşdür.
Müdafiə
Nazirliyinin mətbuat xidmətindən AzərTAc-a bildirmişlər
ki, S.Axmetovun rəhbərlik etdiyi nümayəndə heyəti
əvvəlcə Fəxri xiyabana gələrək,
xalqımızın ümummilli lideri, müasir müstəqil
dövlətimizin memarı və qurucusu Heydər Əliyevin
xatirəsini ehtiramla yad etmiş, məzarı önünə
əklil qoymuşlar.
Görkəmli
oftalmoloq alim, akademik Zərifə xanım Əliyevanın da
xatirəsi anılmış, məzarı üzərinə
güllər qoyulmuşdur.
Sonra
Şəhidlər xiyabanına gələn nümayəndə
heyəti ölkəmizin azadlığı və suverenliyi
uğrunda mübarizədə canlarından keçmiş qəhrəman
Vətən övladlarının xatirəsini ehtiramla yad etmiş,
“Əbədi məşəl” abidəsinin önünə əklil
qoymuşlar.
Sonra
S.Axmetovun Müdafiə Nazirliyində qarşılanma mərəsimi
keçirilmişdir.
Rəsmi
protokola uyğun olaraq Qazaxıstanın müdafiə naziri
“Şərəf Kitabı”nı imzalamışdır.
Nümayəndə
heyətlərinin geniş tərkibdə keçirilən
görüşündə Azərbaycanın müdafiə
naziri, general-polkovnik Z.Həsənov ölkələrimiz
arasında hərbi, hərbi-texniki, hərbi-təhsil sahələrində
mövcud olan əməkdaşlıq və
qarşılıqlı inamın güclənməsinə
xidmət edən fəaliyyətləri yüksək qiymətləndirmiş,
regional təhlükəsizlik məsələləri
müzakirə olunmuşdur.
Bölgədəki
hərbi-siyasi vəziyyətə toxunan Z.Həsənov, Ermənistan-Azərbaycan,
Dağlıq Qarabağ münaqişənin regional sabitliyə
əsas təhlükə olduğunu, problemin beynəlxalq
hüquq normalarına uyğun həllinə nail olunmasının
vacibliyini bildirmişdir.
Öz
növbəsində qonaq dövlətlərimizin əlaqələrinin
möhkəm dostluq və qardaşlıq münasibətlərinə
əsaslandığını, Qazaxıstan ilə Azərbaycanın
iqtisadi, siyasi, hərbi sahədə yaxın mövqedən
çıxış etməsi ilə yanaşı, Xəzər
dənizi məsələsində də vacib tərəfdaş
olduqlarını qeyd etmişdir.
Sonra
Azərbaycan-Qazaxıstan hərbi əlaqələri və
qarşılıqlı maraq doğuran digər məsələlər
ətrafında fikir mübadiləsi
aparılmışdır.
Görüşdə
Qazaxıstanın Azərbaycandakı səfiri Amangeldi Jumabayev
də iştirak etmişdir.
Azərbaycan.-2014.- 22 aprel.- S.4.