Qafqaz Müsəlmanları İdarəsinin
sədri Türkiyənin Baş naziri Rəcəb Tayyib
Ərdoğanı prezident seçilməsi
münasibətilə təbrik edib
Qafqaz
Müsəlmanları İdarəsinin sədri,
şeyxülislam Allahşükür Paşazadə Türkiyənin
Baş naziri Rəcəb Tayyib Ərdoğanı prezident
seçkilərində qalib gəlməsi münasibətilə
təbrik edib.
AzərTAc xəbər verir ki, şeyxülislam Türkiyə Respublikasının tarixində ilk dəfə olaraq ümumxalq səsverməsi ilə keçirilən prezident seçkilərində inamlı qələbə qazanan R.T.Ərdoğana Türkiyə dövlətinin rifahı, türk millətinin səadəti, İslam birliyi naminə fəaliyyətində uğurlar arzulayıb.
Məktubda deyilir: “Bu, Türkiyə Respublikası ilə əbədi və qırılmaz tellərlə bağlı olan Azərbaycanın da uğurudur. Sevincimiz bir, kədərimiz birdir. Qoy, Uca Allah Türkiyə-Azərbaycan qardaşlığını daimi etsin, uca nəzərini dövlətlərimizin, xalqlarımızın və dövlət başçılarımızın üzərindən əsirgəməsin!”
Qafqaz Müsəlmanları İdarəsinin sədri bütün Azərbaycan müsəlmanları
adından R.T.Ərdoğana səmimi təbriklərini
çatdırıb, Uca Yaradandan
cansağlığı, uzun ömür və Türkiyə dövlətinin
qüdrəti, türk-İslam
dünyasının yüksəlişi naminə fəaliyyətində
yeni uğurlar diləyib.
Azərbaycan. - 2014.- 13 avqust.- S.4.