Qusar məktəbliləri Gəncə-Göygöl-Şəmkir
marşrutu üzrə maarifləndirici tur aksiyaya
başlayıblar
Xəbər verdiyimiz kimi, Azərbaycan Respublikasının Prezidenti İlham Əliyevin tapşırığına əsasən, avqustun 1-dən sentyabrın 6-dək respublikamızın şəhər və rayonlarının IX-XI sinif şagirdləri üçün "Ölkəmizi tanıyaq" devizi ilə maarifləndirici tur-aksiyalar keçirilir.
AzərTAc xəbər verir ki, avqustun 10-da Qusar rayonunun ümumtəhsil məktəblərinin şagirdlərindən ibarət qrup Gəncə-Göygöl-Şəmkir marşrutu üzrə tur-aksiyada iştirak etmək üçün yola düşüb. Tur-aksiyada 40 şagirdlə bərabər, 5 müşayiətçi də yer alıb.
Şagirdlərin yola salınması mərasimi Qusardakı Heydər Əliyev Mərkəzinin qarşısında keçirilib. Tədbirdə rayon icra hakimiyyətinin, təhsil və turizm şöbələrinin nümayəndələri, müəllimlər və valideynlər iştirak ediblər.
Mərasimdə qeyd olunub ki, dövlət
başçısının tapşırığına əsasən,
həyata keçirilən bu mühüm kampaniya
ümumilikdə ölkəmizin 67 şəhər və rayonundan 14 minə yaxın şagirdi
əhatə edir. Qusarlı şagirdlər
Gəncə-Göygöl-Şəmkir marşrutu
üzrə ekskursiya edərək bu bölgənin qədim tarixi,
mədəniyyət abidələri, müasir
park və xiyabanları, turizm
obyektləri ilə yaxından tanış olmaq
imkanı qazanacaqlar.
Azərbaycan. - 2014.- 12 avqust.- S. 7.