Şamaxı: intibahın dan ulduzu
Şamaxı dövlətçilik ənənələri,
tarixi salnamələri,
şəxsiyyətləri ilə
zəngin, füsunkar təbiətli qədim Vətən yurdudur. Təkcə
Şirvan elinin deyil, Azərbaycanın dövlətçilik
tarixində əhəmiyyətli
rolu olmuş Şamaxı zəngin keçmişə malikdir.
Qismətinə uğurlarla yanaşı
fəlakətlər, faciələr
də yazılmış
Şamaxı heç
bir zaman mənən sınmayıb,
şanlı tarixini, ənənələrini dəfələrlə
xarabazarlıqların külündən
ucaldaraq göylərə
qaldırıb, nikbin bir ruhla zamanın
sınaqlarına qalib
gəlib. Şamaxını yerlə-yeksan
edən hərbi yürüşlərdən, aramsız
zəlzələlərdən dirçəlməsinin sirrini
tapmaq çətindir.
Bu şəhərdə elə güclü zəlzələ olub ki, ölənlərin sayı 80 minə çatıb. 1918-ci ildə erməni-bolşevik
cütlüyü tərəfindən
törədilən soyqırımı
bütün Şamaxı
qəzasını əhatə
edib. Vəhşiləşmiş erməni-bolşevik quldur dəstələri kəndbəkənd
azərbaycanlıları amansızlıqla
qırıb, talayıb,
divan tutublar. İndi şəkildə gördüyünüz
Cümə məscidinə
günahsız insanları
yığıb od vurub yandırıblar. Lakin bu şəhər yenə qalib gəldi! Mətin, iradəli, nikbin, daim elmə və tərəqqiyə
can atan insanlar faciələrdən sarsılmırlar.
Minlərlə insanın bir-birinə bağlılığı, müstəqilliyimiz
və dövlət başçısının xüsusi
qayğısı bu əzabkeş şəhəri
ölkəmizdəki intibahın
dan ulduzuna çevirib.
Şirvanın ürəyi sayılan
qədim Şamaxı keçmişini
qorumaqla yanaşı indi yeni intibah
dövrünü yaşayır:
sosial-iqtisadi infrastruktur
yenilənir, tarixi abidələr bərpa olunur, şəhər və kəndlər abadlaşdırılır, müasir,
gözoxşayan binalar,
müxtəlif təyinatlı
obyektlər tikilir. Əlbəttə ki, belə şəraitdə
insanların həyat səviyyəsi, maddi gəlirləri də yüksəlir, gələcəyə
inamları da möhkəmlənir...
Hafiz HƏSRƏTLİ
Azərbaycan. - 2014.- 10 avqust.- S. 7.