Hərbi Hava Qüvvələrinin
təlimləri davam edir
Hərbi
Hava Qüvvələrinin təlimləri plana uyğun olaraq
davam edir.
Müdafiə naziri, general-polkovnik Zakir Həsənovun rəhbərliyi ilə keçirilən təlimin ssenarisinə əsasən, hava məkanını pozan şərti düşmən aşkarlanaraq onun haqqında informasiya döyüşü idarəetmə məntəqəsinə çatdırılıb. Hava hədəfləri izlənməyə götürülüb, “S-300 PMU” və “S-125 2TM” tipli zenit-raket komplekslərinin şərti atəş zərbələri ilə şərti düşmən dərhal məhv edilib.
Nazirliyin mətbuat xidmətindən AzərTAc-a bildiriblər ki, təlimlərə cəlb olunan döyüş aviasiyası təlim-döyüş tapşırıqlarının yerinə yetirilməsi zamanı şərti düşmənin yerüstü hədəflərini və döyüş texnikasını, o cümlədən onun mühəndis-istehkam qurğularını idarəolunmayan raketlər və aviasiya məhvetmə vasitələri ilə tam dağıdıb.
Təlim uçuşlarından sonra
müdafiə naziri Zakir
Həsənov tərəfindən ən müasir,
NATO standartlarına uyğun qoruyucu dəbilqələr və kombinezonlar döyüş
aviasiyasının pilotlarına təqdim olunub.
Azərbaycan Respublikası Prezidenti, Silahlı
Qüvvələrin Ali Baş
Komandanı İlham Əliyevin adından
hər bir pilota əşya
normasında nəzərdə tutulmayan, praktiki baxımdan daha səmərəli
və rahat dəri gödəkçələr
hədiyyə edilib.
Azərbaycan. - 2014.- 17 avqust.- S. 2.