Bakıda NATO-nun təlim kursu keçirilir

Avqustun 19-da Silahlı Qüvvələrin Təlim və Tədris Mərkəzində NATO–nun Birləşmiş Komandanlığının mobil təlim qrupu tərəfindən “Əldə hazırlanan partlayıcı qurğular”la mübarizə mövzusunda təlim başlanıb.

Müdafiə Nazirliyinin mətbuat xidmətindən AzərTAc-a bildiriblər ki, nazirliyin mühəndis xidmətinin bir qrup zabiti üçgünlük təlim kursuna cəlb olunub. Təlimin ilk günü hərbi tərəfdaşlıq və digər mövzuların təqdimatı ilə yadda qalıb.

Keçirilən kursda mühəndis xidmətinə cavabdeh zabitlər hərbi biliklərini təkmilləşdirəcəklər. Təlim zamanı “Əldə hazırlanan partlayıcı qurğuların törətdiyi fəsadlar və bu qurğulara qarşı müdafiə sistemlərinin təhlili” və digər mövzular üzrə seminarlar keçiriləcək.

Azərbaycan. - 2014.- 20 avqust.- S. 1.