Açar-Bakı-2015, Avropa Oyunları, könüllülük

Azərbaycanlı gənclər “Bakı-2015” Avropa Oyunlarının keçirilməsini səbirsizliklə gözləyirlər

Azərbaycanlı gənclər “Bakı-2015” ilk Avropa Oyunlarının keçirilməsini səbirsizliklə gözləyir.

AzərTAc xəbər verir ki, bu fikir Bakıda keçiriləcək birinci Avropa Oyunlarında könüllülüklə bağlı aparılmış sorğunun nəticələrinə həsr olunmuş mətbuat konfransında səsləndirilib.

Bildirilib ki, 150 min 403 tələbə arasında aparılan sorğu ölkəmizdə indiyədək keçirilən ən böyük sorğudur. Sorğu iştirakçılarının 71 faizi Azərbaycanın birinci Avropa Oyunlarına ev sahibliyi etməsinin ölkəmizə mənfəət gətirəcəyinə çox inanır.

Qeyd edilib ki, 26 mindən çox iştirakçı isə “Bakı-2015” Avropa Oyunları Əməliyyat Komitəsinin Oyunların keçirilməsi üçün nəzərdə tutduğu 12 min könüllüdən biri olmaq üçün ərizə verməyi səbirsizliklə gözləyir.

Azərbaycan. - 2014.- 21 avqust.- S.3.