Səfəriniz uğurlu olsun, əziz balalar
Cəbhə bölgəsi olan Tərtərdə 22 avqust
səhəri xoş əhval-ruhiyyə ilə açılır. Səhər tezdən olsa
da, şəhərin mərkəzi meydanı qələbəlikdir. Meydana toplaşanların
əksəriyyəti məktəblilərdir.
Bu gün 40 nəfər
tərtərli şagirddən
ibarət qrup "Azərbaycanı tanıyaq"
layihəsinə uyğun
olaraq respublikamızın
dilbər guşəsi
olan İsmayıllı,
Qəbələ, Şəki
bölgəsinə yola
salınır.
Məktəblilər və yolasalma mərasiminin iştirakçıları
öncə ümummilli
lider Heydər Əliyevin abidəsi önünə tər qızılgüllər qoyurlar.
Tərtər Rayon İcra Hakimiyyətinin
başçısı Müstəqim
Məmmədov məktəblilər
qarşısında çıxış
edərək deyir ki, Prezident İlham
Əliyevin təşəbbüsü
ilə reallaşan və hər kəs tərəfindən
bəyənilən "Azərbaycanı
tanıyaq" layihəsi
dövlət gənclər
siyasətinin mühüm
tərkib hissəsi kimi gənc və yeniyetmələrin vətənpərvərlik tərbiyəsini
daha da gücləndirməyə
hesablanmışdır. Dövlət
başçısının yetişməkdə olan gənc nəslə davamlı qayğı və diqqəti müstəqil Azərbaycanın
sabahını doğma
vətənini canından
artıq sevən, yüksək biliyə, müasir intellektual səviyyəyə malik gənclərə etibar etmək kimi şərəfli bir məqsəddən qaynaqlanır.
İcra başçısı məktəblilərə
uğurlu səfər,
zəngin təəssürat
arzulayır.
Baxışlarından fərəh süzülən
uşaqların sevincini
bölüşürük. Tərtər
şəhəri 2 saylı
liseyin IX sinif şagirdi Murad Həsənzadə fikirlərini
həvəslə söyləyir:
- Neçə vaxtdır ki, bu günü
səbirsizliklə gözləyirəm.
Şanlı tarixə malik
vətənimizi qarış-qarış
gəzmək, özündə
əsrlərin sirrini qoruyub saxlayan tarixi abidələrimizi görmək, ayrı-ayrı
bölgələrin adət-ənənələrini
öyrənmək arzusundayam.
Prezident İlham Əliyevin "Ölkəmizi
tanıyaq" layihəsində
mənim də yer almağım sanki arzu və
istəklərim qarşısında
yaşıl işıq
yandırdı...
Umudlu kənd orta məktəbinin XI sinif şagirdi Nigar Zeynalzadənin dedikləri:
- Ailəmiz Tərtərdə
məcburi köçkün
kimi məskunlaşıb. Doğma Ağdərə
rayonu Ermənistan silahlı qüvvələri
tərəfindən işğal
olunmuşdur. Mənim üçün
torpaq sevgisi, vətən anlayışı
çox müqəddəsdir.
Gənclərin himayədarı olan
Prezident İlham Əliyevin bizlərə ən böyük tövsiyəsi vətəni
sevmək, onun şərəfini qorumaqdır.
Mən əminliklə deyirəm ki, qanımıza, canımıza hopmuş vətən sevgisi bu səfərdən sonra daha da
artacaq.
Səfərdə məktəbliləri müşayiət
edəcək nəzarətçi
müəllim Məmməd
Məmmədli deyir ki, qarşıda uşaqları maraqlı görüşlər gözləyir. Məktəblilərin dünyagörüşündə bu səfərin mühüm rol oynayacağı şübhəsizdir. Şagirdlərin təhlükəsizliyi, rahatlığı, normal qidalanması,
mənalı istirahəti
üçün əvvəlcədən
zəruri tədbirlər
görülmüşdür.
Lazım QULİYEV
Azərbaycan. - 2014.- 24 avqust.- S. 5.