Kollektiv səyahət etmək
şagirdləri ikiqat sevindirir
Azərbaycan Respublikasının Prezidenti İlham Əliyevin tapşırığına əsasən “Ölkəmizi tanıyaq” devizi ilə keçirilən tur-aksiyalar məktəbliləri ikiqat sevindirir. Onlar həm Vətənimizin bölgələrini tanıyır, həm də özlərinə yeni dostlar tapırlar.
Bu fikirləri avqustun 23-də Gəncə-Şəmkir-Göygöl marşrutu ilə tur-aksiyaya gələn Masallı məktəblilərinin qrup rəhbəri, Masallı şəhər 1 nömrəli orta məktəbin müəllimi Xalidə Kərimova AzərTAc-a müsahibəsində deyib. O qeyd edib ki, adətən şagirdlər rayon daxilində gəzirlər, ən yaxşı halda qonşu rayonlara gedirlər. İndiki aksiyada isə onlar yurdumuzun bütün bölgələrini gəzərək maddi-mədəniyyət abidələri ilə tanış olurlar.
Qrupun rəhbəri deyib: “Artıq iki gündür ki, Gəncədəyik.
Bizə böyük diqqət və
qayğı göstərilir. Azərbaycanın bu qədim şəhəri haqqında çoxlu məlumat toplamışıq. Dahi şairimiz Nizami Gəncəvinin məqbərəsini
ziyarət etmişik, Nizami
muzeyində eksponatlara baxmışıq, Şah Abbas məscidində,
Cavad xan türbəsində
və digər tarixi yerlərdə olmuşuq. Ekskursiya
zamanı şəhərdə gedən abadlıq və quruculuq işlərini də müşahidə
etmişik. Qısa vaxt
ərzində Gəncənin bu qədər
gözəlləşməsi, söz yox ki, dövlətimizin
başçımızın diqqət və
qayğısı sayəsində mümkün
olub. Vətənimizi qəlbən sevən,
onun çiçəklənməsi naminə
yorulmaq bilmədən çalışan
Prezidentimizə qrupumuzun bütün
üzvləri adından minnətdarlığımı
bildirirəm”.
Azərbaycan. - 2014.- 26 avqust.- S. 7.