Yollar, yollar...

Rahat, rəvan yollar Azərbaycanda "ucqar kənd", "ucqar bölgə" anlayışlarını şüurlardan silməkdədir. Bir halda ki, dağların başında qərar tutan Xınalığa qədər hamar yollar uzanır, buna şəkk-şübhə yoxdur...

Son illərdə köhnə yollar təmir olunub, yeniləri salınıb. Həm də bu tədbirlər bütün kateqoriyadan olan yollarımızı əhatə edib. Abadlaşanı abadlaşıb, qalanları isə yavaş-yavaş öz görkəmini dəyişir, hamarlaşır.

Yollar, yollar... Şəhəri kəndə, kəndi şəhərə qovuşdurur, vadilər boyu uzanır, meşələrin qoynundan keçir, dağların zirvəsinə qalxır. İnsanlara rahatlıq, məmnunluq gətirir.

Sosial-iqtisadi inkişafımızın aynasıdır bu yollar. "Abad oba yolundan bəlli olar" zərb-məsəli əbəs yaranmayıb axı!.. İldən-ilə sayı çoxalan qonaqlarımıza Azərbaycan haqqında ilk sözü də məhz yollar deyir.

Azərbaycan. - 2014.- 31 avqust.- S.1.