İqtisadiyyat və sənaye
naziri İmişli
şəhərində vətəndaşları qəbul edib
Prezident
İlham Əliyevin tapşırıq və tövsiyələrinə
uyğun olaraq mərkəzi icra hakimiyyəti
orqanlarının rəhbərləri bölgələrdə
vətəndaşların qəbulunu keçirir, onların
müxtəlif məsələlərlə bağlı
müraciət, ərizə və şikayətlərinin
müsbət həll edilməsi üçün müvafiq tədbirlər
görürlər.
Mərkəzi
icra hakimiyyəti orqanları rəhbərlərinin 2014-cü
ilin dekabr ayında şəhər və rayonlarda vətəndaşların
qəbulu cədvəlinə uyğun olaraq iqtisadiyyat və sənaye naziri
Şahin Mustafayevin dekabrın 5-də İmişlidə
növbəti vətəndaş qəbulu keçirilib.
İqtisadiyyat
və Sənaye Nazirliyinin mətbuat xidmətindən AzərTAc-a
bildiriblər ki, İmişli şəhərindəki Heydər
Əliyev Mərkəzində təşkil olunmuş qəbulda
nazir Şahin Mustafayev Saatlı, İmişli və Beyləqan
rayonlarından olan vətəndaşlarla
görüşüb.
Nazir
Şahin Mustafayev qəbula gəlmiş vətəndaşların
müraciətlərini diqqətlə dinləyib. Hәr bir vətəndaş
müraciәtinin operativ araşdırılması,
qaldırılan mәsәlәlәrin qanunvericiliyә
uyğun hәlli istiqamәtindә nazirliyin müvafiq
strukturlarının rәhbәrlәrinә konkret
tapşırıqlar verilib. Müraciәtlәrin əksəriyyəti
yerindәcә hәllini tapıb. Eyni zamanda,
vәtәndaşlar tәrәfindәn verilәn
müxtәlif tәkliflәr qeydiyyata alınıb,
onların qaldırdığı məsələlər
araşdırılması və müvafiq tәdbirlәrin
görülmәsi üçün nәzarәtә
götürülüb. İqtisadiyyat və Sənaye
Nazirliyinin səlahiyyətlərinə aid olmayan məsələlər
barədə isə vətəndaşlara ətraflı izahat
verilib, həmin müraciətlərin aidiyyəti strukturlara
çatdırılacağı bildirilib.
Qəbul zamanı vətəndaşlar sahibkarlıq fəaliyyəti, güzəştli kreditlərin verilməsi, istehsal və emal müəssisələrinin yaradılması, kredit ittifaqlarının Sahibkarlığa Kömək Milli Fondu ilə əməkdaşlığı, əkin sahələrinin suvarılması, mal-qaranın sığortası, sosial və s. məsələlərlə bağlı müraciət ediblər.
Nazir qəbula gəlmiş sahibkarların quşçuluq, taxılçılıq, toxumçuluq, üzümçülük, müasir heyvandarlıq kompleksinin yaradılması, mineral suların qablaşdırılması və satışı, mebel və tikinti materiallarının istehsalı və s. sahələr üzrə təkliflərini də dinləyib, onlarla müzakirələr aparılıb, müvafiq sahələr üzrə investisiya layihələrinin hazırlanmasına dəstək göstərilməsi və güzəştli kreditlər hesabına maliyyələşdirilməsi barədə müvafiq göstərişlər verilib.
Qəbul günü birbaşa müraciət edən vətəndaşlar da nazir Şahin Mustafayev tərəfindən qəbul edilib. Hər bir vətəndaşın müraciətinə diqqətlə yanaşılıb, müraciətlərin qanunvericiliyə müvafiq qaydada həlli üçün müvafiq tədbirlər görülüb.
Ümumilikdə, İmişlidə keçirilmiş qəbul zamanı 90-a yaxın vətəndaş müraciət edib.
Qəbul barədə ictimaiyyətin ətraflı məlumatlandırılması, eləcə də vətəndaşların rahatlığının təmin edilməsi məqsədilə əvvəlcədən kütləvi informasiya vasitələrində elanlar verilib və qəbula yazılmaq üçün əlaqə vasitələri göstərilib. Vətəndaşlar nazirliyin office@economy.gov.az elektron poçt ünvanı və əlaqə nömrələri, 195-2 Telefon Məlumat Mərkəzi, həmçinin rəsmi internet və “Facebook” səhifələri vasitəsilə qəbula yazılıblar.
Mərkəzi icra
hakimiyyəti orqanları rəhbərləri tərəfindən
mütəmadi olaraq bölgələrdə
vətəndaşların qəbulunun təşkilindən
razılıqlarını ifadə edən vətəndaşlar
yaradılan şəraitə görə dövlətimizin
başçısına minnətdarlıqlarını
bildiriblər.
Azərbaycan.-2014.- 6 dekabr.- S.6.