Baş prokuror onlayn rejimdə vətəndaşları qəbul
edib
Azərbaycan
Respublikasının Prezidenti İlham Əliyevin göstəriş
və tövsiyələrinə müvafiq olaraq vətəndaşların
qəbulu, onların müraciətlərinə vaxtında
baxılması və haqlı tələblərinin təmin
edilməsi dövlət qurumlarının əsas vəzifələrindən
biri kimi müəyyənləşdirilib.
Dekabrın
19-da Azərbaycan Respublikasının baş prokuroru Zakir
Qaralov Baş Prokurorluğun inzibati binasında Lənkəran
Rayon Prokurorluğu ilə canlı bağlantı vasitəsilə
bu şəhərin, eləcə də Astara və Lerik
rayonlarının sakinlərinin müvafiq tabe rayon prokurorlarının
iştirakı ilə qəbulunu keçirib.
Respublika
Baş Prokurorluğunun mətbuat xidmətindən AzərTAc-a
bildiriblər ki, bu qurumun məsul əməkdaşlarının
iştirakı ilə keçirilən qəbulda 14 vətəndaşın
şikayətləri dinlənilib. Zakir Qaralov vətəndaşların
qaldırdıqları məsələləri xüsusi nəzarətə
götürməklə, həmin müraciətlər üzrə
qəbul olunmuş qərarların qanuniliyinin
yoxlanılması, bu məqsədlə yoxlama materialları və
cinayət işlərinin Baş Prokurorluqda öyrənilməsi,
habelə bəzi şikayətlərin müraciət müəlliflərinin
iştirakı ilə müzakirə edilərək
qanunauyğun və operativ şəkildə həlli
üçün müvafiq struktur qurumların rəhbərlərinə
və tabe rayon prokurorlarına konkret göstərişlər
verib.
Baş
prokuror tərəfindən qəbul edilən vətəndaşların
müraciətlərinin bir qismi elə yerindəcə həllini
tapıb.
Azərbaycan.-2014.-20 dekabr.-S.8.