Qaçqın və məcburi
köçkünlərlə bağlı
gələcək
əməkdaşlıq məsələləri müzakirə
edilib
Baş
nazirin müavini, Qaçqınların və Məcburi
Köçkünlərin İşləri üzrə
Dövlət Komitəsinin sədri, Beynəlxalq Humanitar
Yardım üzrə Respublika Komissiyasının sədri
Əli Həsənov dekabrın 25-də Koreya
Respublikasının Azərbaycandakı səfiri Çoi
Suk-İn ilə görüşüb.
Komitədən
AzərTAc-a bildirilib ki, görüş əsasən
qaçqın və məcburi köçkünlərlə
bağlı gələcək əməkdaşlıq əlaqələrinin
müzakirəsinə həsr olunub. Koreya və Azərbaycan
arasında qarşılıqlı əlaqələrin
yaxşı əsaslar üzərində qurulduğunu diqqətə
çatdıran Baş nazirin müavini Əli Həsənov
son vaxtlar xüsusilə siyasi, iqtisadi, mədəni və təhsil
sahələrində əməkdaşlıq əlaqələrinin
genişləndiyini vurğulayaraq hökumətlərarası
münasibətlərin bundan sonra da davam və inkişaf
etdiriləcəyinə əminliyini bildirib.
Ölkəmizin
müstəqilliyini bərpa etdikdən sonra Ermənistan-Azərbaycan,
Dağlıq Qarabağ münaqişəsi kimi ciddi bir problemlə
üzləşdiyini, münaqişənin həlli istiqamətində
indiyədək heç bir irəliləyişə nail
olunmadığını diqqətə çatdıran
Əli Həsənov dünya birliyinin, güclü dövlətlərin
işğalçı Ermənistana təsir və təzyiq
imkanlarından istifadə etməməsindən, haqqın, ədalətin
bərpasına göz yummasından təəssüfləndiyini,
bütün bunlardan isə bir milyon 200 min
soydaşımızın əziyyət çəkdiyini
bildirib.
Baş
nazirin müavini vurğulayıb ki, bu günədək
Dövlət Neft Fondunun vəsaiti hesabına bütün
sosial-texniki infrastrukturu ilə birlikdə 89 müasir qəsəbə
salınıb, 240 min nəfər qaçqın və məcburi
köçkünün mənzil-məişət şəraiti
yaxşılaşdırılıb. Lakin münaqişə hələ
də özünün ədalətli həllini tapmadığından
məcburi köçkünlərimizin çoxu bu gün də
ağır şəraitdə yaşamaqdadır.
Koreyalı diplomat hələ ötən il Ağcabədi rayonu ərazisində, bu il isə Yevlax, Gəncə və Mingəçevir şəhərlərində məskunlaşan məcburi köçkünlərlə görüşlərini xatırladıb. O, görüşlər zamanı məcburi köçkün məktəblərində müxtəlif müsabiqələr keçirməklə onları mükafatlandırmaq kimi layihələr reallaşdırdıqlarını, buradakı müasir qəsəbələrdə yaradılan hərtərəfli şəraitlə tanışlığını qeyd edərək bildirib ki, Azərbaycan Prezidenti İlham Əliyevin məcburi köçkünlərlə bağlı gördüyü işlər onda böyük məmnunluq hissi doğurub.
Diplomat Koreya səfirliyində məcburi köçkünlərin problemlərinin həllinə kömək göstərmək məqsədilə müxtəlif yeni layihələr həyata keçirmək qərarına gəldiklərini, bütün bunlarla bağlı Azərbaycanda fəaliyyət göstərən Koreya şirkətləri ilə də razılaşmalar əldə etdiklərini deyib.
Ölkələrimiz arasındakı iqtisadi əlaqələrdən danışan səfir bu münasibətlərin gələcək illərdə də inkişaf edəcəyinə əminliyini bildirib.
Görüşdə azərbaycanlı və
koreyalı tələbələrin təhsili, təcrübə
mübadiləsi və digər maraq doğuran məsələlər ətrafında
da müzakirələr aparılıb.
Azərbaycan.-2014.- 26 dekabr.- S.3.