Gənclər və idman
naziri Şirvanda vətəndaşları
qəbul edib
Dekabrın
25-də gənclər və idman naziri Azad Rəhimov Yeni Azərbaycan
Partiyasının Şirvan Şəhər Təşkilatının
inzibati binasında Şirvan şəhərinin, Hacıqabul,
Neftçala, Saatlı, Sabirabad və Salyan rayonlarının
sakinlərini qəbul edib.
Gənclər
və İdman Nazirliyinin mətbuat xidmətindən AzərTAc-a
bildiriblər ki, nazir Azad Rəhimov qəbul zamanı 30-a
yaxın vətəndaşın müraciətini dinləyib.
Müraciətlər əsasən QHT-lərin
yaradılmasına dəstək verilməsi, yay istirahət
düşərgələrinin təşkili, gənclər mərkəzlərinin
lazımi avadanlıqlarla təmin edilməsi, məktəblərdə
hərbi hazırlıq otaqlarının, “Şahin”, “Cəsurlar”
hərbi idman oyunlarının keçirilməsi
üçün bazanın yaradılması, yeni gənclər
mərkəzlərinin açılması, “Bakı-2015” Avropa
Oyunlarına könüllülərin cəlb edilməsi ilə
bağlı olub. İdman sahəsində isə fəxri
adların, məşqçi dərəcələrinin verilməsi,
idman zallarının avadanlıqlarla təmin edilməsi, yeni
Olimpiya İdman komplekslərinin tikilməsi,
idmançıların beynəlxalq yarışlarda
iştirakı və digər məsələlərə dair
müraciətlər edilib. Müraciətlər
sırasında, eyni zamanda, ipoteka kreditlərinin verilməsi,
iş ilə təminat və şəxsi məsələlər
də yer alıb.
Bir
sıra müraciətlər yerindəcə həllini
tapıb. Araşdırılması lazım gələn məsələlər
isə aidiyyəti qurumlara göndərilməsi
üçün nəzarətə götürülüb.
Azərbaycan.-2014.- 26 dekabr.- S.6.