Azərbaycanın gənclər və idman naziri

vyetnamlı həmkarı ilə görüşmüşdür

İyulun 2-də Azərbaycanın gənclər və idman naziri Azad Rəhimov ölkəmizdə səfərdə olan Vyetnam Sosialist Respublikasının mədəniyyət, idman və turizm naziri Hoanq Tuan Ahn ilə görüşmüşdür.

Nazirlikdən AzərTAc-a bildirmişlər ki, A.Rəhimov 2015-ci ildə Azərbaycanda keçiriləcək ilk Avropa Oyunlarına hazırlıq işləri barədə məlumat vermiş, yeni idman qurğularının tikildiyini, mövcud infrastrukturun bərpa edildiyini diqqətə çatdırmışdır. Qonağa, həmçinin Gənclər və İdman Nazirliyinin tarixi, fəaliyyət istiqamətləri, dövlət tərəfindən bu sahədə qəbul olunmuş qanunlar barədə ətraflı məlumat vermişdir.

Ölkəmizdə olmaqdan məmnunluğunu bildirən vyetnamlı nazir 2015-ci ildə Bakıda ilk Avropa Oyunlarının uğurla keçiriləcəyinə əminliyini bildirmiş, Vyetnamın idman sahəsində Azərbaycan ilə əməkdaşlığa maraqlı olduğunu demişdir.

Azərbaycan.-2014.- 3 iyul.- S.4.