"Dövlət Statistika
Komitəsi tərəfindən büdcələri
müşahidə olunan ailələrə
öz büdcələrini aparmalarına
görə verilən pulun
miqdarının müəyyən edilməsi haqqında"
Azərbaycan Respublikası Nazirlər Kabinetinin
1993-cü il 8 fevral tarixli 64 nömrəli qərarında dəyişiklik
edilməsi barədə
Azərbaycan Respublikasının
Nazirlər Kabinetinin qərarı
¹ 216 Bakı şəhəri,
3 iyul 2014-cü il
Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikası Dövlət Statistika Komitəsinin Azərbaycan Respublikasının Maliyyə Nazirliyi və Azərbaycan Respublikasının Ədliyyə Nazirliyi ilə razılaşdırılmış təklifini nəzərə alaraq Azərbaycan Respublikasının Nazirlər kabineti qərara alır:
1. "Dövlət Statistika Komitəsi tərəfindən büdcələri müşahidə olunan ailələrə öz büdcələrini aparmalarına görə verilən pulun miqdarının müəyyən edilməsi haqqında" Azərbaycan Respublikası Nazirlər Kabinetinin 1993-cü il 8 fevral tarixli 64 nömrəli qərarının 1-ci hissəsində "1,1 manat" sözləri "1,65 manat" sözləri ilə əvəz edilsin.
2.Bu qərar 2015-ci il yanvarın 1-dən qüvvəyə minir.
Artur RASİ-ZADƏ,
Azərbaycan
Respublikasının Baş naziri
Azərbaycan.-2014.- 18 iyul.- S.1.