Qarabağın nicatı mübariz
orduda, güclü
dövlətdədir
Azərbaycan artıq bunlara
tam malikdir
"Biz hər halda
özümüzü qorumalıyıq
və hüdudumuzu elə möhkəm bir vəziyyətə salmalıyıq ki, hər dəli, qudurmuş soxulub bildiyini, istədiyini yapa bilməsin. Ümumi əhalimizin
baxüsus hüdud və yaxınlığında
olanların müdafiə
və mühafizəsi
üçün əlimizdə
vasitələr lazımdır
ki, hərəkətcə
sürətə və
fəaliyyətcə də
qüvvətə malik
olmaqla xalqımızı
məinülqəlb etsin".
Üzeyir
bəy HACIBƏYLİ
Bütün münaqişələrin tarixi elə orduların tarixidir
Qarabağın nicatı güclü dövlətdə, güclü
ordudadır və bu gün malik
olduğumuz güclü
dövlət, güclü
ordu ərazi bütövlüyünü təmin
etməyə qadirdir. Son illər bu firkin, ideyanın tərəfdarları
getdikcə artmaqdadır.
Bunu yaşadığımız münaqişənin
tarixi daha aydın nümayiş etdirir. 1918-ci ildə Azərbaycan Xalq Cümhuriyyətinin yaranması ilə erməni-bolşevik müdaxilələri,
demək olar ki, üst-üstə düşdü və Azərbaycan xalqı növbəti dəfə vətənini, torpağını
qorumaq üçün
öz ordusunu yaratmalı oldu. Onda qarşıya qoyulan məqsəd daha qısa və aydın idi: 1919-cu ilin əvvəllərində 25 min, 1920-ci ildə isə 40 minlik ordu vətənin
müdafiəsinə qalxmalı
idi. Ordunu peşəkar kadrlarla təchiz etmək məqsədilə elə
həmin il
Gəncədə hərbi
məktəb yaradıldı
və məktəbin üç şöbəsində
- ümumi, mühəndislik
və topçuluq şöbələrində ilk vaxtlarda 250 dinləyici vardı. O illərdə yenicə təşəkkül
tapmağa başlayan dövlətimizin qarşısında
duran ən mühüm məsələlərdən
danışarkən ordu
quruculuğunun, təhlükəsizlik
məsələlərinin əhəmiyyətini
xüsusi vurğulamaq
lazımdır. Onda ordunun tərkibinə iki artilleriya briqadası, bir yüngül artilleriya diviziyası, üç zirehli qatar,
beş aeroplan, bir neçə hidroaeroplan, altı ağır və yüngül zirehli avtomobil daxil idi. Qısa müddətdə yaranan bu ordunun gücünü
düşmənlər dərhal
hiss etdilər. 1920-ci ildə Qarabağda baş qaldıran erməni qiyamı ordumuzun xüsusi bölmələri tərəfindən
dərhal yatırıldı,
qiyama başçılıq
edən Dəli Qazar isə məhv edildi.
Paradların tarixi
Azərbaycan Ordusunun tarixində bir neçə hərbi parad olub. Azərbaycan xalqı əsgərlərimizin
1919-1920-ci illərdə Səməd
bəy Mehmandarovun başçılığı ilə Qarabağda göstərdiyi şücaəti
və hərbi yürüşü yaxşı
xatırlayır. O döyüşdən
sonra Səməd bəy üzünü əsgərlərə tutub
fəxrlə demişdi:
"Övladlarım, mən
rusların apardığı
çox döyüşdə
olmuşam. Port-Arturda döyüşmüşəm,
amma belə qəhrəmanlıq, belə
şücaət görməmişəm".
Paradların bəzisi müstəqilliyimizin
son 20 ilinə təsadüf
edir. Son paradlar əvvəlkilərdən bir
çox parametrinə
görə fərqlənir.
Bu, Azərbaycanın dünyada artıq söz sahibi olduğu, bölgədə
lider dövlətə
çevrildiyi bir dövrün paradları, güc nümayişidir.
Artıq
bu ordunun maddi-texniki bazası hər bir azərbaycanlının
sinəsini qürur hissi ilə doldurur. Bunu hər dəfə
paradın keçirildiyi
zaman şəhərin
müxtəlif yerlərinə
toplaşmış insanların
sevinc dolu çöhrələri daha
yaxşı nümayiş
etdirir. Başımız üstdən, lap aşağıdan uçan
təyyarə və vertolyotları seyr edənlər bu ordunun - bu güclü
texnikanın, bu əsgərin ona nə qədər yaxın olduğuna bir daha əmin
olurlar. Növbəti parad isə
daha möhtəşəm
və qalibiyyətə
yaxın olacaq.
Bu parad bir daha göstərəcək
ki, belə bir vaxta, belə
bir günə çox az
qalıb.
416-cı
diviziya ilə davam edən yol
Bolşevik Rusiyasına zorla qatıldıqdan sonra Azərbaycanın ordu hissələri tədricən
ləğv edildi. Yalnız İkinci
Dünya savaşında
hər iki cəbhədə vuruşan
Azərbaycan diviziyaları
yenidən meydana çıxır, lakin qısa bir müddətə.
Müharibənin bitməsi
ilə bu proses dayanır, 1991-ci ildə SSRİ-nin çökməsi və Qarabağda başlayan separatçı erməni
hərəkatı güclü
ordu məsələsini
bir daha gündəmə gətirir.
İlk illərdə əsasən
könüllülərdən təşkil olunan ordu hissələri bütün cəhdlərinə,
qəhrəmanlıq və
rəşadət nümunələrinə
baxmayaraq, düşmənin
yaxşı təşkil
olunan silahlı qüvvələri qarşısında
çətinliklə dayanır.
Yüksək peşəkarlığa malik kadr çatışmazlığı,
maddi-texniki bazanın zəifliyi də bura əlavə olunsa, odövrkü mənzərəni tam təsəvvür
etmək mümkündür.
Belə bir vaxtda ölkəyə
qayıdan ümummilli
lider Heydər Əliyev Ali Baş Komandan kimi bütün
məsuliyyəti öz
üzərinə götürdü
və cəbhənin müxtəlif sahələrində
- Füzulidə, Beyləqanda
qısa müddət ərzində düşmən
layiqli cavabını alaraq xeyli geri
oturduldu. Onun qayıdışı ilə hər şey dəyişdi - ölkə də, ordu da, vətəndaşlar
da. Onda ordunun özünə
kömək lazım idi. Elə həmin il - 1993-cü il noyabrın 18-də Prezident Heydər Əliyevin göstərişi
ilə Milli Məclisdə müdafiə
və təhlükəsizlik
məsələləri müzakirə
edildi, bir sıra qanunlar qəbul olundu, ordu quruculuğunda yeni bir dövr
başladı. "Silahlı
Qüvvələr haqqında",
"Hərbi xidmət
haqqında", "Müdafiə
haqqında", "Hərbi
qulluqçuların statusu
haqqında" və
sair qanunlar qəbul olundu. Ordu sürətlə qurulmağa
başladı.
Ordunun inkişaf dinamikasını
müşahidə etmək
üçün yalnız
bir fakta nəzər salmaq kifayətdir: əgər
2003-cü ildə Azərbaycan
Silahlı Qüvvələrinə
ayrılan vəsait
150 milyon dollar idisə,
artıq indi dövlət büdcəsində
bu rəqəm milyard dollarla ölçülür. Bir sözlə,
bölgənin hərtərəfli
inkişaf etmiş ən güclü, ən müasir, ən çevik ordusu Azərbaycandadır.
Bunu hər il 26 iyun Azərbaycan
Silahlı Qüvvələrinin
yaranması gününə
həsr olunan hərbi paradlar və tədbirlər daha yaxşı nümayiş etdirir. Bu, artıq reallıqdır,
tarixi faktdır.
Dövlət başçısı
bu reallıqdan doğan həqiqəti belə ifadə edib: "Biz hər an öz torpaqlarımızı
azad etməyə hazır olmalıyıq və bu məqsədlə
biz güclü ordu yaratmışıq".
Bəxtiyar QARACA,
Azərbaycan.-2014.- 26 iyun.- S.7.