Kənd təsərrüfatı naziri Samuxda vətəndaşları
qəbul etmişdir
Azərbaycan
Respublikasının Prezidenti İlham Əliyevin
tapşırıq və tövsiyələrinə əsasən,
mərkəzi icra hakimiyyəti orqanlarının rəhbərləri
bölgələrdə vətəndaşların qəbulunu
keçirir, onların müxtəlif məsələlərlə
bağlı müraciətlərinin, ərizə və
şikayətlərinin müsbət həll olunması
üçün müxtəlif tədbirlər görürlər.
Kənd
təsərrüfatı naziri Heydər Əsədov iyunun 27-də
Samuxda vətəndaşları qəbul etmişdir.
Nazirliyin
mətbuat xidmətindən AzərTAc-a bildirmişlər ki, qəbulda
Daşkəsən, Göygöl, Yevlax, Goranboy, Xocalı, Kəlbəcər
və Samux rayonlarından olan 40-dan atıq vətəndaşın
müraciətinə baxılmışdır.
Müraciətlər
əsasən texnika çatışmazlığı, istehsal
olunan məhsulun satılmasında qarşıya çıxan
problemlər, suvarma artezian quyularının bərpa
olunması, mineral gübrələrin qiymətlərinin
aşağı salınması, kənd təsərrüfatı
sahələrinin genişləndirilməsi üçün
güzəştli kreditlərin verilməsi, fərdi
yaşayış evlərinin tikilməsi üçün həyətyanı
torpaqların ayrılması və digər məsələlərlə
bağlı olmuşdur.
Nazir
hər bir vətəndaşın müraciətini diqqətlə
dinləmiş, müraciətlərin bir çoxu yerində həll
olunmuş, qaldırılan məsələlərin
qanunvericiliyə uyğun və mümkün qədər
qısa müddətdə həll edilməsi barədə
müvafiq strukturların rəhbərlərinə
tapşırıqlar verilmişdir. Nazirliyin səlahiyyətinə
aid olmayan məsələlər isə aidiyyəti qurumlara
çatdırılması üçün qeydiyyata
alınmışdır.
Qəbulda
iştirak edən Daşkəsən rayonunun fermerləri nəsli
kəsilməkdə olan arıların süni mayalama yolu ilə
artırılması məsələsini nazirin diqqətinə
çatdırmışlar.
Nazir
Heydər Əsədov bu məsələnin həlli
üçün yerindəcə tapşırıq
vermişdir.
Nazir
artıq ölkədə kənd təsərrüfatı sahəsinin
daha da inkişaf etdirilməsi üçün müəyyən
işlər görüldüyünü və bunun
üçün mühüm addımlar
atıldığını da açıqlamışdır.
Qəbuldan əvvəl nazir Heydər Əsədov “Aqrolizinq” ASC-nin Gəncə rayonlararası təchizat bazasında 52 fermerə yeni “Belarus” tipli traktorların açarlarını və sənədlərini təqdim etmişdir.
Fermerlərlə söhbət zamanı nazir onları narahat edən problemlərin diqqət mərkəzində olduğunu və nazirliyin bütün strukturlarının bu problemlərin həlli istiqamətində daim çalışdığını söyləmişdir. Eyni zamanda, Heydər Əsədov subsidiya alan şəxslərin siyahısının artıq nazirliyin internet saytında yerləşdirildiyini və fermerlərdən bu siyahılar ilə tanış olub öz fikirlərini nazirliyin “Qaynar xətt”inə (1652) çatdırmalarını xahiş etmişdir.
Tədbir iştirakçıları göstərilən diqqət və qayğıya görə Prezident İlham Əliyevə minnətdarlıqlarını bildirmişlər.
Daha sonra
nazir Heydər Əsədov Kənd Təsərrüfatı
Nazirliyinin Samux Rayon Ərazi Kənd Təsərrüfatı
İdarəsinin inzibati binasının təməlinin
qoyulması mərasimində iştirak etmişdir.
Azərbaycan.-2014.- 28 iyun.- S.9.