Azərbaycan Cənubi Qafqaz regionunun lider dövlətidir
Martın 11-də Azərbaycan Respublikasının
energetika naziri Natiq Əliyev ABŞ-ın Beynəlxalq Sülh İnstitutunun prezidenti Terye Röd-Larsenin başçılıq
etdiyi nümayəndə
heyəti ilə görüşmüşdür.
Energetika Nazirliyinin mətbuat xidmətindən AzərTAc-a
bildirmişlər ki, görüşdə nümayəndə
heyətinin ölkəmizə
səfərini yüksək
qiymətləndirən Natiq
Əliyev Azərbaycanın
iştirakçısı olduğu
regional layihələr haqqında
qonaqlara ətraflı
məlumat vermişdir.
Qeyd olunmuşdur
ki, Azərbaycan Cənubi Qafqaz regionunun lider dövlətidir və Prezident İlham Əliyevin apardığı
uğurlu siyasət nəticəsində bu bölgədə heç
bir iri layihə
Azərbaycanın iştirakı
olmadan həyata keçirilmir. Nazir respublikamızın enerji siyasəti, Avropa və dünya bazarının Azərbaycanın
hidrokarbonat ehtiyatları
ilə təchiz edilməsi, qədim İpək Yolu üzərində qurulmuş
nəqliyyat layihələri
və ölkəmizin
bu layihələrdə
iştirakı, Şərq
və Qərbi birləşdirməyə istiqamətlənən
Bakı-Tbilisi-Qars dəmir yolu layihəsi, digər
regional və beynəlxalq
əhəmiyyətli layihələr
haqqında danışmışdır.
ABŞ-ın Beynəlxalq
Sülh İnstitutunun
prezidenti Terye Röd-Larsen bildirmişdir
ki, 1970-ci ildə təsis edilmiş Beynəlxalq Sülh İnstitutu Nyu-Yorkda yerləşən dünyanın
ən nüfuzlu araşdırma mərkəzlərindən
biridir. Qurum bir çox
beynəlxalq sahələr,
o cümlədən silahlı
münaqişələr, transmilli
təhdidlər, inkişaf,
humanitar məsələlərlə
məşğul olur.
Beynəlxalq Sülh İnstitutunun
idarəetmə orqanlarında
BMT-nin baş katibi başda olmaqla, dünyanın bir sıra tanınmış
siyasətçiləri və
diplomatları təmsil
olunurlar.
Görüş çərçivəsində
enerji və təhlükəsizlik, Qafqaz və Xəzər dənizi bölgəsində
regional əməkdaşlıq məsələləri
müzakirə edilmişdir.
Azərbaycan.-2014.- 12 mart.- S.2.