Məktəbəqədər təhsilin
inkişafı Abşeronda diqqət mərkəzindədir
Heydər
Əliyev Fondunun prezidenti Mehriban Əliyevanın
təşəbbüsünə
qoşulan rayonda bu ilin
sonuna kimi 25 yeni uşaq
bağçası inşa ediləcək
Azərbaycanda əldə
olunan ən mühüm
nailiyyətlərdən biri regionların,
o cümlədən hər bir rayonun, şəhər
və kəndin inkişaf yoluna çıxarılmasıdır. Prezident İlham Əliyevin təsdiq etdiyi
regionların sosial-iqtisadi inkişafına
dair Dövlət proqramlarının uğurlu icrası müddətində bütün bölgələrdə yeni istehsal və xidmət
müəssisələri fəaliyyətə başlayıb, əsaslı
quruculuq və abadlıq işləri həyata
keçirilib. Dövlət
proqramları çərçivəsində regionlarda
infrastrukturun bərpası və
inkişafı, əhalinin kommunal xidmətlərlə,
o cümlədən elektrik
enerjisi, qaz və su ilə təchizatının
yaxşılaşdırılması, səhiyyə və təhsil
müəssisələrinin tikintisi, əhalinin
sosial vəziyyətinin
yaxşılaşdırılması istiqamətində mühüm tədbirlər həyata keçirilib.
Abşeron inkişaf mərkəzinə
çevrilib
Azərbaycanın dinamik
inkişafının, gündən-günə dəyişərək
gözəlləşən simasının konkret
ünvanlarından biri də Abşeron rayonudur. Ötən 10 ildə yüksəliş
dövrünü yaşayan
Abşeronun bu gün inkişaf mərkəzinə
çevrildiyi göz
önündədir. Bu dövrdə həm
ayrı-ayrı dövlət proqramlarından, həm
yaradılmış azad sahibkarlıq
mühitindən irəli gələrək rayonda
çoxsaylı xidmət və istehsal sahələri
fəaliyyətə başlayıb. Eləcə də mühüm obyektlərin təməli qoyulub və inşası uğurla
başa çatdırılıb. Yeni səhiyyə və təhsil müəssisələri,
infrastruktur obyektləri, yeni
inzibati binalar istifadəyə
verilib, yollar, parklar yenidən qurulub.
Rayonun qısa zaman kəsiyində inkişaf mərkəzinə çevrilməsinin
ən ümdə səbəblərindən biri
ölkəmizin bütün bölgələri
kimi, bu rayona da Prezident
İlham Əliyev tərəfindən xüsusi diqqət və qayğı göstərilməsidir.
Ölkə başçısı rayona xüsusi əhəmiyyət verib, mütəmadi
olaraq burada aparılan
işlərin gedişatı ilə maraqlanıb, sosial obyektlərin açılış mərasimlərində
şəxsən iştirak edib.
Abşeronda həyata keçirilmiş
çoxşaxəli tədbirlər sistemi
həm kəmiyyət, həm də keyfiyyət göstəricilərinə
görə fərqlənir. Rayon rəhbərliyi üzərinə düşən məsuliyyəti
düzgün dəyərləndirməklə
fəaliyyətini dövlət başçısı İlham Əliyevin yeritdiyi
çevik və səmərəli inkişaf strategiyasının mahiyyətinə
uyğun qurmağa,
idarəetmədə mütərəqqi prinsipləri tətbiq
etməyə, qarşıda duran vəzifələri
dəqiq müəyyənləşdirərək vaxtında
icrasına nail olmağa
çalışır. Abşeron RİH başçısının müavini
İradə Gülməmmədovanın sözlərinə
görə, Prezident İlham
Əliyevin apardığı siyasətin mahiyyətinə uyğun olaraq bu il də rayonda
qarşıya qoyulmuş başlıca vəzifələr
əhalinin sosial rifah
halının yaxşılaşdırılması,
abadlıq-quruculuq işlərinin daha
sürətlə və keyfiyyətlə aparılması, təhsil-səhiyyə
müəssisələrinə diqqətin
artırılması, xidmət və infrastruktur
sahələrində işin müasir dövrün tələblərinə
uyğunlaşdırılması olub.
2013-cü ilin sosial-iqtisadi göstəriciləri
də Abşeronun dinamik
inkişaf yolunda olduğunu göstərir. Belə ki, ötən il rayonda fəaliyyət göstərən sənaye
müəssisələri tərəfindən 106,7 milyon manatlıq məhsul istehsal
edilib. Bu dövrdə
məşğul əhalinin sayı artaraq
123738 nəfərə çatıb, hər işçiyə
düşən orta aylıq əməkhaqqının
məbləği 280 manat təşkil edib. Ötən il rayonda 2834 yeni iş yeri
açılıb.
Milli iqtisadi modeli, makroiqtisadi uğurları ilə
dünyanın aparıcı maliyyə mərkəzlərinin
diqqətində olan, insan
amilinin yüksəlişinə xidmət
edən qlobal infrastruktur
layihələrini inamla həyata
keçirən, sosial məsələlərə
geniş diqqət ayıran Azərbaycan, eyni zamanda böyük
tikinti meydanını xatırladır. 2013-cü ilin yekunlarına
nəzər saldıqda görə bilərik ki, sürətli inkişaf
və quruculuq işləri Abşeron rayonunda da uğurla davam etdirilir. Diqqəti
çəkən mühüm cəhətlərdən
biri rayonun büsbütün simasının dəyişməsi,
abadlıq və quruculuq işlərinin bütün sahələri əhatə etməsi,
yeni infrastruktur obyektlərinin
istifadəyə verilməsidir. Görülən işlər kosmetik dəyişikliklərdən tamamilə
uzaq olub rayonun uzun illərdən bəri
həllini gözləyən problemlərinin kompleks
həlli məqsədinə hesablanıb.
Diqqəti
çəkən mühüm məqamlardan
biri də Abşeronun
dövlət büdcəsindən maliyyələşməməsidir.
Qeyri-neft sektorunun
inkişafı ilə bağlı Prezident
İlham Əliyevin həyata keçirdiyi siyasətin bəhrəsidir ki, rayonun iqtisadi
imkanları artdıqca gəlirləri
də ilbəil çoxalıb və dövlət büdcəsinin
dotasiyasından asılılıq getdikcə aradan
qalxıb. Bunun nəticəsində Abşeron bir neçə
ildir ki, dövlət
büdcəsinin yardımından imtina edib. Bu rayonun
sosial-iqtisadi inkişafının bariz göstəricisidir.
Abşeron rayonunda quruculuq işlərinin əsas istiqamətini sosial obyektlərin, o
cümlədən yeni təhsil müəssisələrinin
inşası və köhnələrin yenidənqurulması təşkil
edir. Son illərdə
rayonda həm ayrı-ayrı dövlət
proqramları, həm Heydər Əliyev Fondunun
dəstəyi, həm də daxili imkanlar hesabına onlarla məktəbəqədər
və orta təhsil müəssisələri
inşa olunub.
2014-cü ildə
də Abşeron rayonunda
yeni təhsil müəssisələrinin
istifadəyə verilməsinin şahidi
olacağıq. Belə ki,
Heydər Əliyev Fondunun məktəbəqədər
təhsil müəssisələrinin inkişafı
proqramına dəstək verən Abşeron
rayonunun bələdiyyələri fondun prezidenti, Milli Məclisin deputatı, YAP sədrinin müavini, Mehriban Əliyevanın
çağırışına qoşularaq
bu ilin sonuna
kimi 10 yeni uşaq bağçasının inşası
barədə təşəbbüs irəli sürüblər.
"İnsan kapitalı"nın yaradılması
məktəbəqədər təhsildən başlayır
Dinamik inkişaf edən
Azərbaycanda gələ cək nəslin sağlam
böyüməsi, hərtərəfli inkişafı ölkə
rəhbərliyinin diqqət mərkəzindədir. Bu istiqamətdə
görülən mühüm tədbirlərin
tərkib hissələrindən biri də
məktəbəqədər təhsil müəssisələrindən
olan uşaq
bağçalarının və körpələr evləri
şəbəkələrinin genişləndirilməsi,
onların təlim-tərbiyə prosesində fəal
iştirakının təmin olunmasıdır.
Son 10 ildə respublikamızda yüzlərlə uşaq bağçasının inşa olunması göstərir ki, Azərbaycan dövləti gələcəyimiz
olan körpələrin və
uşaqların vətənimizə layiqli
vətəndaş kimi
formalaşmalarını prioritet vəzifələrdən
biri elan edir.
Sirr deyil ki, məktəbəqədər
təhsilin ilk pilləsi ailənin və cəmiyyətin
maraqlarına uyğun olaraq
uşaqların erkən yaş dövründən
intellektual, fiziki və
psixi inkişafını, sadə əmək
vərdişlərinə yiyələnməsini, istedad və qabiliyyətinin üzə
çıxarılmasını,
sağlamlığının qorunmasını, estetik tərbiyəsini, təbiətə və
insanlara həssas münasibətinin
formalaşmasını təmin edir.
Danılmaz həqiqətdir ki, maddi sərvətlərin "insan
kapitalı"na çevrilməsinin təməli məhz məktəbəqədər
təhsil müəssisələrində qoyulur.
Son onillikdə aparılan uğurlu iqtisadi siyasət
nəticəsində Azərbaycanın sürətli
inkişafı digər sferaların da
yüksəlişinə, infrastrukturun
yenilənməsinə səbəb olub. Bu illər ərzində iqtisadiyyatın dinamik inkişafı sosial
sahələrə dövlət qayğısının
gücləndirilməsi və bu sahələrə
yönəldilən diqqət və resursların önəmli
artımı ilə müşayiət olunub.
Dinamik inkişaf və
artan maliyyə imkanları təhsil sahəsinin,
o cümlədən məktəbəqədər
təhsilin inkişafına təkan verib. Bu istiqamətdə mühüm
addımlardan biri Prezident
İlham Əliyevin sərəncamı ilə
təsdiq edilmiş "Azərbaycan
Respublikasında məktəbəqədər təhsilin yeniləşdirilməsi
Dövlət Proqramı (2007-2010-cu illər)" olub. Proqram çərçivəsində 37 yeni
məktəbəqədər təhsil müəssisəsi inşa edilərək istifadəyə verilib, 52 məktəbəqədər təhsil
müəssisəsində əsaslı təmir işləri
aparılıb, 184 müəssisə müvafiq
avadanlıqlarla, o cümlədən oyuncaq və idman
avadanlıqları, texniki vasitələrlə
təchiz olunub. Eyni zamanda bütün məktəbəqədər
təhsil müəssisələri müxtəlif təlim vəsaitləri
ilə təmin edilib.
Regionların sosial-iqtisadi inkişafına dair
dövlət proqramları çərçivəsində də
indiyədək ölkənin hər yerində yeni
uşaq bağçaları inşa olunub, mövcud təhsil ocaqları isə yenidən
qurulub. Regionlara səfərləri çərçivəsində
onların açılışında iştirak
edən Prezident İlham
Əliyev ölkəmizdə məktəbəqədər təhsil
sisteminin müasir səviyyədə
qurulmasını, uşaqların intellektual,
fiziki və psixoloji
inkişafı üçün lazımi
şəraitin yaradılmasını, təlim-tərbiyə prosesinin məzmunca yeniləşdirilməsi
istiqamətində ardıcıl tədbirlər görülməsini
əsas vəzifələr kimi
qarşıya qoyub.
Hazırda
Azərbaycanda 111090
uşağı əhatə edən 1677 məktəbəqədər
təhsil müəssisəsi, o cümlədən
537 uşaq bağçası, 1110
körpələr evi-uşaq
bağçası, 25 körpələr evi,
5 məktəb-bağça, sağlamlıq imkanları məhdud
uşaqlar üçün 4 xüsusi
uşaq bağçası, eyni zamanda 12 müəssisədə
19 xüsusi təhsil qrupları, 4 sanator tipli məktəbəqədər
təhsil müəssisəsi fəaliyyət göstərir.
Heydər
Əliyev Fondunun töhfələri misilsizdir
Bu nəcib missiyanın
reallaşdırılmasında Heydər Əliyev Fondunun fəaliyyəti xüsusi
qeyd edilməlidir. Ulu öndər Heydər
Əliyevin ölkəmizin sosial-iqtisadi, mədəni
tərəqqisi, sivil dünya
birliyinə inteqrasiyası, xalqın maddi
rifahının yaxşılaşması naminə müəyyən
etdiyi, işləyib
hazırladığı siyasətin öyrənilməsinə,
təbliğinə və bu ideyaların həyata
keçirilməsinə dəstək verən Heydər
Əliyev Fondunun əsas məqsədlərindən
biri uşaq müəssisələrinin
və məktəblərin infrastrukturlarını inkişaf etdirməkdir. Həyata keçirdiyi "Yeniləşən Azərbaycana
yeni məktəb", "Uşaq evləri və internat
məktəblərinə dəstək" kimi
layihələr Azərbaycanda təhsil müəssisələrinin
yenidən qurulmasına gözəl töhfələr verib.
Konkret olaraq məktəbəqədər
təhsilə gəldikdə isə Heydər Əliyev Fondu bir neçə ildir uşaq
bağçası problemi ilə məşğul
olur. Bu illər ərzində fond tərəfindən
ölkəmizdə 20 yeni uşaq
bağçası inşa edilib. Məcburi köçkünlər üçün salınan qəsəbələrdə
isə fond tərəfindən 50 uşaq bağçası tikilib.
Cəmiyyətin
müxtəlif xarakterli problemlərinin həllində
aparıcı rol oynayan
Heydər Əliyev Fondu bu
gün də dəyərli təklif və
təşəbbüslə təhsil sisteminə töhfələrini
verməkdə davam edir.
Fevral ayının sonuna
yaxın Mehriban Əliyevanın rəhbərliyi
ilə Heydər Əliyev Fondunun məktəbəqədər
təhsil müəssisələrinin inkişafı
proqramının təqdimatı bunun təsdiqidir.
Bununla əlaqədar keçirilən tədbirdə
məktəbəbəqədər təhsil müəssisələrində
mövcud vəziyyət də müzakirə
edildi. Təqdimat mərasimində
çıxış edən fondun prezidenti Mehriban Əliyeva son illər ölkəmizdə iqtisadi
yüksəlişin bütün sahələrdə
özünü büruzə verdiyini, təhsilin inkişafına göstərilən
diqqətin və bu sahəyə
ayrılan vəsaitin artdığını bildirdi.
Heydər Əliyev Fondunun yeni
layihəyə start verdiyini
diqqətə çatdıran Mehriban
xanım Əliyeva deyib: "Ölkəmizdə
uşaq bağçalarının
tikintisinə çox böyük
ehtiyac vardır. Uşaqlar
demək olar ki, günün yarısını bağçada
keçirirlər. Bu təhsil
ocaqlarında olan şərait, orada uşaqlarımızın aldıqları
tərbiyənin keyfiyyəti, hökm
sürən ab-hava çox
vacibdir. Uşaqların ilk
yaşlarından intellektual, fiziki və əqli inkişafı, onların istedad və qabiliyyətlərinin üzə
çıxması, sağlamlıqlarının qorunması, insanlarla ünsiyyətin qurulması məhz bu müəssisələrdə
formalaşır. Belə olan halda, əlbəttə, biz
təhsilin bu sektoruna daha böyük diqqətlə
yanaşmalıyıq".
Tədbirdə
səslənən faktlar göstərir ki, ölkədə uşaq
bağçalarının tikintisinə böyük
ehtiyac var. Çünki tələbatın cəmi 23 faizi ödənilir və bir
çox uşaqlar erkən
təhsil almaq imkanından kənarda
qalır. Mehriban
xanım Əliyeva bildirdi k,
Heydər Əliyev Fondunun digər təşəbbüsləri,
proqramları kimi, bu proqram da uğurlu
olacaq və qısa zamanda
həm fondun, həm dövlət qurumlarının, həm
də özəl sektorun birgə səyləri
nəticəsində biz bu
istiqamətdə yaxşılığa doğru dəyişiklikləri görəcəyik.
15 bələdiyyə
- 15 bağça
Abşeron rayonunda quruculuq işlərinin əsas istiqamətlərindən
birini təhsil ocaqlarının, o cümlədən yeni məktəbəqədər
təhsil müəssisələrinin inşası təşkil
edir. 1963-cü ildən 2004-cü ilə qədər
rayonda 10 uşaq
bağçası tikildiyi halda 2005-2012-ci illərdə 6 uşaq
bağçası tikilərək körpə və
uşaqların ixtiyarına verilib. Bu bağçalar
Aşağı Güzdək, Qobu,
Fatmayı, Novxanı və Masazırda inşa
olunub. Hazırda rayon
üzrə 21 uşaq bağçası mövcuddur ki, onlarda da 2200 nəfər məktəbəqədər
yaşlı uşaq tərbiyə
alır.
Abşeron rayonunda əhalinin
sayı rəsmi statistikaya görə 290
min nəfərdir. Kənardan gəlib məskunlaşanları
da nəzərə alsaq, rayonun əhalisinin sayı 300 min
nəfərdən artıqdır.
Heydər Əliyev Fondunun
məktəbəqədər təhsil müəssisələrinin
İnkişafı Proqramının
təqdimatından sonra
isə Abşeron rayonunda uşaq bağçalarına olan
tələbatla bağlı
monitorinq aparılıb.
Monitorinqin nəticələrinə görə, Abşeron rayonunda təqribən 4320
nəfər məktəbəqədər
yaşlı qeydiyyatdadır.
Onların təlim və
tərbiyəsi üçün
mövcud normativlərə
əsasən təxminən
45 uşaq bağçası
fəaliyyət göstərməlidir.
Rayonda isə 24 uşaq bağçası mövcuddur.
Martın 12-də Abşeron Rayon İcra Hakimiyyəti yanında şuranın iclası keçirilib. İclasda rayonda məktəbəqədər
təhsildə olan mövcud vəziyyət geniş müzakirə olunub. Abşeron RİH-nin başçısı
Zakir Fərəcov qeyd edib ki,
qarşıdakı dövrdə
nəzərdə tutulan
quruculuq işlərində
rayonun daxili imkanları hesabına bir neçə məktəbəqədər təhsil
ocağının tikintisinin
həyata keçirilməsi
planlaşdırılır.
İclasda iştirak edən
rayonun bələdiyyə
sədrləri də yekdilliklə bu təklifə qoşulublar. Heydər Əliyev Fondunun məktəbəqədər təhsil
müəssisələrinin İnkişafı Proqramını
yüksək qiymətləndirən
bələdiyyə sədrləri
Mehriban xanım Əliyevanın bu çağırışını dəyərləndirərək ilin sonuna kimi
daxili imkanları hesablarına yeni uşaq bağçalarının
tikilib istifadəyə
verilməsi barədə
təşəbbüslə çıxış ediblər.
Təşəbbüsə Abşeronun 10 bələdiyyəsi
- Mehdiabad, Fatmayi, Saray, Ceyranbatan, Hökməli, Xırdalan,
Aşağı Güzdək,
Masazır, Məmmədli,
Qobu, Digah, Güzdək, Pirəküşkül,
Novxanı və Görədil bələdiyyələri
qoşulublar. Abşeron bələdiyyələrinin
bu təşəbbüsü
rayonun rəhbərliyi
və ictimaiyyəti tərəfindən böyük
rəğbət və
razılıq hissi ilə qarşılanıb.
Artıq
"15 bələdiyyə - 15 məktəb" devizi altında bələdiyyələr
qarşıya qoyduqları
bu vəzifəni reallaşdırmaq üçün
əməli fəaliyyətə
başlayıblar.
Prezident İlham
Əliyevin bu günlərdə təsdiq
etdiyi üçüncü
regional inkişaf proqramı
çərçivəsində Abşeron rayonunda bir sıra sosial
obyektlərin inşası
planlaşdırılır. Bunların sırasında rayonun ayrı-ayrı yaşayış
məksənlərində 6 yeni uşaq bağçasının da
tikilməsi qarşıya
qoyulub. Hazırda rayonun Məmmədli,
Görədil, Masazır
qəsəbələrində və Abşeron gənclər şəhərciyində
keçən ildən
inşasına başlanılmış
uşaq bağçalarının
tikintisi davam edir və yaxın
aylarda başa çatdırılacaq.
Beləliklə, Heydər Əliyev
Fondunun prezidenti Mehriban Əliyevanın təşəbbüsünə qoşulan rayonun bələdiyyələri bu
ilin sonuna kimi 15 yeni uşaq
bağçası inşa
edəcəklər. Ümumilikdə isə yaxın
vaxtlarda rayonda 25 uşaq bağçası
tikilərək istifadəyə
veriləcək.
Uşaqların yüksək qayğı
ilə əhatə olunması, əlverişli
mənəvi və sosial mühitdə böyümələri üçün
zəruri şəraitin
yaradılması, onların
hərtərəfli şəxsiyyət
kimi formalaşması
ümummilli lider Heydər Əliyevin əsasını qoyduğu
dövlət-uşaq siyasətinin
prioritet istiqamətlərindən
biridir. Bu
siyasət uğurla davam etdirilir. Dövlət proqramları
çərçivəsində, Heydər Əliyev Fondunun xətti ilə və eləcə də daxili imkanlar hesabına inşa olunan yeni uşaq
bağçaları bir
məqsədə - məktəbəqədər
təhsil sisteminin müasir tələblər
səviyyəsində qurulmasına,
körpə və uşaqların fiziki, psixoloji və intellektual inkişafı üçün lazımi
şəraitin yaradılmasına,
onların məktəbə
hazırlanması işinin
qabaqcıl standartlara uyğun təmin olunmasına xidmət edir. Bu baxımdan
Abşeron rayonunda 25 uşaq bağçasının
tikilməsi ölkəmizdə
həyata keçirilən
məktəbəqədər təhsil siyasətinə layiqli töhfə verəcək.
Rəşad CƏFƏRLİ,
Azərbaycan.-2014.-
18 mart.- S.5.