Fransa Azərbaycanla əlaqələrin
yüksək səviyyədə olmasına böyük
önəm verir
Prezident Fransua OLLAND: "Ölkənizi özüm
üçün kəşf
etdim. İlk dəfədir ki, buraya
səfər edirəm.
Lakin sizi əmin edirəm ki, bu səfər
sonuncu səfər deyildir"
Xarici siyasətində
Avratlantik məkana inteqrasiya kursunu əsas prioritetlərdən
biri kimi müəyənləşdirən Azərbaycan Respublikası
1993-cü ildən başlayaraq
bu istiqamətdə mühüm uğurlar əldə edib. Avropanın həm
nüfuzlu təşkilatları,
həm də inkişaf etmiş aparıcı dövlətləri
ilə uğurlu siyasi-iqtisadi dialoqun qurulması hər bir tribunadan, hər bir əməkdaşlıqdan
ölkəmizin inkişafı,
dünya birliyində layiqli yerini tutması və Ermənistanın təcavüzkar
siyasətinin ifşası
üçün Azərbaycana
geniş imkanlar verib.
Bu gün də Avratlantik strukturlar və aparıcı Qərb dövlətləri
ilə Azərbaycanın
ikitərəfli əlaqələri
genişlənməkdə davam
edir. Diqqəti çəkən mühüm məqam ondan ibarətdir ki, Azərbaycan diplomatiyasında Qərb istiqaməti vacib yerlərdən birini tutduğu kimi Avropa dövlətləri də Azərbaycanın Cənubi Qafqazın lideri statusunu qəbul edərək ölkəmizlə əlaqələrinin
yüksək səviyyədə
olmasında maraqlıdırlar.
Fransa Prezidenti Fransua Ollandın bir neçə gün öncə Azərbaycana rəsmi səfəri bunu bir daha
təsdiqlədi.
1993-cü ilin sonlarında
Azərbaycan Prezidenti Heydər Əliyev Avropa ilə əməkdaşlıq siyasətinə
Fransadan başlayıb. Həmin dövrdən
etibarən hər iki ölkənin dövlət və hökumət başçıları,
parlament sədrləri,
nazirləri dəfələrlə
qarşılıqlı səfərlər
ediblər. Ayrı-ayrı
vaxtlarda dövlət başçıları hər
iki ölkənin ali orden
və medalları ilə təltif olunublar. Sonuncu dəfə Fransanın
keçmiş Prezidenti
N.Sarkozi Azərbaycanda
2011-ci ilin oktyabrında,
Azərbaycan Prezidenti isə 2012-ci ilin sentyabrında Fransada rəsmi səfərdə
olub. Dövlət
başçılarının sonuncu görüşündən
ötən zaman etibarilə qısa müddətdən sonra Fransa Prezidentinin Azərbaycana rəsmi səfər etməsi dünyanın və Avropanın siyasi səhnəsində öz
yeri olan bu ölkənin Azərbaycanla əlaqələrin
daha da inkişaf
etdirilməsinə verdiyi
önəmin və Azərbaycanla Fransa arasındakı siyasi dialoqun yüksək səviyyəsinin göstəricisidir.
Fransa Prezidentinin
Azərbaycana rəsmi
səfəri ikitərəfli
münasibətlərdə çox əlamətdar hadisədir. Bu səfər
iki ölkə arasındakı əlaqələrin
bundan sonrakı inkişafına, yeni əməkdaşlıq əlaqələrinin
yaranmasına çox
güclü təkan verəcək. Prezident İlham
Əliyevin fransalı
həmkarı ilə keçirdiyi görüşlərdə
müxtəlif mövzular
ətrafında geniş
fikir mübadiləsi aparıldı. Bu görüşlərdə səslənən
fikirlər də təsdiq edir ki, Azərbaycan-Fransa əlaqələri bundan sonra da yüksələn
xətlə inkişaf
edəcək, iki ölkənin siyasi, iqtisadi və digər sahələrdə
əlaqələri, habelə
dostluq münasibətləri
daha da möhkəmlənəcək.
Prezident İlham Əliyev Bakı Fransız Liseyində yaradılmış şəraitlə
tanışlıq zamanı
bu barədə deyib: "Əminəm ki, Sizin rəsmi
səfəriniz Fransa-Azərbaycan
dostluq əlaqələrinin
inkişafında mühüm
addım olacaqdır, əlaqələrimizə yeni
təkan verəcəkdir.
İyirmi ildən artıqdır
ki, ölkələrimiz
bir-biri ilə sıx əməkdaşlıq
edir. Bu əməkdaşlıq
çoxşaxəlidir, müxtəlif
sahələri əhatə
edir və gündən-günə möhkəmlənir.
Bizim çox sıx siyasi əlaqələrimiz
vardır. Sizin rəsmi
səfəriniz bunu təsdiqləyir. Daim siyasi
dialoq, müxtəlif mövzular ətrafında
fikir mübadiləsi aparılır. Biz beynəlxalq təşkilatlarda
uğurlu əməkdaşlıq
edirik. Bir sözlə, siyasi
əlaqələrimizin yüksək
səviyyədə olması
bütün başqa sahələrə də müsbət təsir göstərir".
Azərbaycanla Fransa arasındakı əlaqələrdə iqtisadi
əməkdaşlıq məsələləri
xüsusi yer tutur. Azərbaycanda 50-dən çox Fransa şirkəti fəaliyyət göstərir.
Fransanın iri şirkətləri
Azərbaycanda neft-qaz sənayesində yaxından
iştirak edir. Xüsusilə qeyd etmək
lazımdır ki, Azərbaycan Fransanın Cənubi Qafqazda birinci ticarət tərəfdaşıdır. Hazırda iki ölkə arasında ticarət dövriyyəsi 2 milyard dollara yaxındır.
Bu fakt həm
də onu təsdiq edir ki, Azərbaycan Cənubi Qafqazda iqtisadi inkişafına görə liderdir. Prezident İlham Əliyevin qeyd etdiyi kimi,
əldə olunmuş
nailiyyətlərlə kifayətlənməməliyik
və indiki ticarət dövriyyəsinin
həcmi yaxşı bir başlanğıcdır.
Azərbaycanla Fransa arasında humanitar sahədə də əməkdaşlıq
yüksələn xətlə
davam edir. Bu sahədə Heydər Əliyev Fondunun fəaliyyəti iki ölkənin humanitar əlaqələrinin inkişafına
son illərdə böyük
töhfələr verib.
Fondun prezidenti, Milli Məclisin Azərbaycan-Fransa
parlamentlərarası əlaqələr
üzrə işçi
qrupunun rəhbəri Mehriban Əliyevanın təşəbbüsü ilə
Fransanın mədəni
irsinin qorunması ilə bağlı müxtəlif layihələr
icra edilib. Belə ki, Heydər Əliyev Fondu Luvr, Versal Sarayı,
Strasburq Kafedral Kilsəsi və digər tarixi abidələrin bərpasında
iştirak edib. İndiyədək Heydər Əliyev
Fondunun xətti ilə Fransanın ayrı-ayrı şəhərlərində
mütəmadi şəkildə
Azərbaycanın mədəniyyətini
təbliğ edən konsertlər, görüşlər,
sərgilər keçirilib,
Azərbaycan mədəniyyət
xadimlərinin Fransada konsertləri təşkil
olunub. Həmçinin
Bakıda fransız mədəniyyətini təbliğ
edən sərgilər
açılıb, Luvr
və Orse muzeylərini, Pompidu Mərkəzini, Versal Sarayını, Fransa Dövlət Kitabxanasını
və digər mədəniyyət ocaqlarını
bəzəyən 400-dən çox eksponat ölkəmizdə təbliğ
olunub. Heydər Əliyev Fondunun
ən mühüm layihələrindən biri
də Parisin mərkəzində Azərbaycan
Mədəniyyət Mərkəzinin
yaradılmasıdır. Bu mədəniyyət ocağının fəaliyyətə
başlaması məhz
Mehriban Əliyevanın
təşəbbüsü ilə mümkün olub. Fransa dövləti Mehriban
Əliyevanın humanitar
və mədəni əməkdaşlığın inkişafına verdiyi töhfələri çox
yüksək qiymətləndirərək
onu "Fəxri
Legion" ordeni ilə
təltif edib.
Bakıda inşa olunan Bakı Fransız Liseyi də Azərbaycanla Fransa arasındakı humanitar əməkdaşlığın bariz nümunəsidir. Liseyin təməli "Azərbaycan və Fransa hökumətləri arasında Bakı Fransız Liseyinin yaradılmasına dair" imzalanan sazişə əsasən qoyulub. Yaradılmasına Heydər Əliyev Fondunun da dəstək verdiyi lisey ölkəmizdə müvəqqəti və daimi yaşayan fransızdilli əcnəbi vətəndaşların və Azərbaycan vətəndaşlarının bu dildə təhsil almalarına geniş imkanlar yaradacaq. Bu liseylə tanışlıq zamanı Fransa Prezidenti Fransua Ollandın Azərbaycanla bağlı söylədiyi fikirlər ölkəmizə yüksək ehtiramın göstəricisidir: "Mən bir neçə günlüyə Qafqaza gəlmişəm. Çünki gördüyünüz işlərə inanıram. Dünyanın bu guşəsində, xüsusən də Azərbaycanda böyük inkişaf gedir. Biz də istərdik ki, sizin bütün dünyada, Avropada işlədiyiniz kimi, yəni, inkişafı birgə təmin edək, onu dayanıqlı edək və bu inkişaf xalqlarımıza rifah gətirsin. Ölkənizə səfər etmək üçün dəvətinizə görə minnətdaram. Ölkənizi özüm üçün kəşf etdim. İlk dəfədir ki, buraya səfər edirəm. Lakin sizi əmin edirəm ki, bu səfər sonuncu səfər deyildir".
Fransa Prezidentinin ölkəmizə rəsmi səfəri zamanı müxtəlif sahələr üzrə əməkdaşlığın inkişafı üçün bir neçə sənəd imzalandı. İmzalanan sənədlər Azərbaycanla Fransa arasında bir çox sahələr üzrə gələcək əməkdaşlığı müəyyən edir. Bu sənədlərin arasında "Azərbaycan Respublikası Prezidenti və Fransa Respublikası Prezidentinin Birgə Bəyanatı" xüsusi yer tutur. Çünki bu sənəddə iki ölkənin gələcək siyasi əlaqələrinin əsas konturları əks olunur. Ümumiyyətlə, imzalanan sənədlər əməkdaşlığın müxtəlif aspektlərinin inkişafına xidmət göstərir. Əldə edilmiş razılaşmalar nəticəsində iki ölkənin siyasi, iqtisadi və humanitar əməkdaşlğı güclənəcək, o cümlədən xüsusən ticarət dövriyyəsi artacaq.
Fransa Prezidenti Fransua Ollandın Azərbaycana rəsmi səfəri həm ikitərəfli, həm regional, həm də beynəlxalq münasibətlər baxımından mühüm əhəmiyyət kəsb edir. Bu səfərdən sonra ikitərəfli münasibətlərdə yeni səhifə açılacaq, Azərbaycan-Fransa münasibətləri yeni keyfiyyət mərhələsinə qədəm qoyacaq.
Rəşad CƏFƏRLİ
Azərbaycan.-
2014.- 15 may.- S.8.