“ASAN Akademiya” layihəsi başa çatdı

“ASAN Könüllüləri Gənclər Təşkilatı” İctimai Birliyi və Prezident yanında Gənclər Fondunun maliyyə dəstəyi ilə həyata keçirilən “ASAN Akademiya” layihəsi başa çatıb.

AzərTAc xəbər verir ki, noyabrın 1-də bununla bağlı keçirilən tədbirdə çıxış edən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov layihənin əsas məqsədinin könüllülərin iş mühitinə psixoloji hazırlığı, biznesin təşkili və idarəçiliyi istiqamətlərində iştirakçıların fərdi inkişafı üçün təlimlərin keçirilməsi olduğunu söyləyib. Digər çıxış edənlər könüllülərin özlərini iş və ictimai həyat standartlarına görə inkişaf etdirmələrində “ASAN Akademiya”nın rolundan danışıblar.

Layihə ilə bağlı videoçarx nümayiş etdirildikdən sonra məzunlar təltif olunublar.

Azərbaycan. - 2014.- 2 noyabr.- S. 4.