Nərimanov
rayonunun daha 40 məktəblisi
Qarabağ bölgəsi ilə
tanış olacaq
Noyabrın 14-də Nərimanov
rayonunun məktəblilərindən ibarət 40 nəfərlik
növbəti qrup “Ölkəmizi tanıyaq” devizi ilə
maarifləndirici tur-aksiyalar layihəsi çərçivəsində
Füzuli-Ağcabədi-Ağdam-Bərdə-Tərtər-Naftalan
marşrutu üzrə yola salınıblar. Məktəblilərə
tur boyunca bələdçi, müəllim və tibb
işçisi nəzarət edəcək.
Yolasalma mərasimində Nərimanov
Rayon İcra Hakimiyyəti başçısının
müavini İradə Mahmudova məktəblilərin həmin
bölgənin qədim tarixi, mədəniyyət abidələri,
müasir simasını əks etdirən Heydər Əliyev mərkəzləri,
Tarix-Diyarşünaslıq muzeyləri, Gənclər mərkəzləri,
Bayraq meydanları, rəsm qalereyaları və digər obyektləri
ilə tanış olacaqlarını söyləyib.
Məktəbliləri yola salan müəllimlər
və valideynlər onlara səfərlə
bağlı tövsiyələrini veriblər.
Azərbaycan.
- 2014.- 15 noyabr.- S.7.